ట్రెండింగ్
'లక్ష్మీస్ ఎన్టీఆర్' మళ్ళీ వాయిదా పడింది....
cinema | Suryaa Desk | Published : Wed, Apr 03, 2019, 06:10 PM
లక్ష్మీస్ ఎన్టీఆర్ ఆంధ్రప్రదేశ్ లో తప్ప మిగిలిన అన్ని చోట్ల విడుదలైంది. విడుదలైన అన్ని చోట్ల పాజిటివ్ టాక్ తో దూసుకెళ్తుంది. ఈ చిత్రంలో ఏపీ ముఖ్యమంత్రి చంద్రబాబును కించపరిచే విధంగా సన్నివేశాలు ఉన్నాయని.... ఈ చిత్రం విడుదలైతే ఏపీ ఎన్నికలపై ప్రభావం చూపుతుందని టీడీపీ వర్గీయులు హైకోర్టును ఆశ్రయించారు. ఈ నేపథ్యంలో, ఏపీలో ఇప్పటి వరకు ఈ చిత్రం విడుదల కాలేదు.
ఈ క్రమంలో, ఈ చిత్రం విడుదలకు సంబంధించి పిటిషన్ ను ఏపీ హైకోర్టు ఈ రోజు విచారించింది. సుప్రీంకోర్టులో పిటిషన్ పెండింగ్ లో ఉన్నందువల్ల దీనిపై ఇప్పటికిప్పుడే విచారణ జరపలేమని తెలిపింది. ఈ సినిమా ప్రివ్యూని కూడా ఇప్పుడు చూడలేమని స్పష్టం చేసింది. తదుపరి విచారణను ఈనెల 9వ తేదీకి వాయిదా వేసింది. దీంతో, ఏపీలో ఈ సినిమా విడుదలకు మళ్లీ బ్రేక్ పడినట్టైంది.
|
|