OTTలో 'హాయ్ నాన్నా' కి బ్లాక్‌బస్టర్ రెస్పాన్స్
cinema | Suryaa Desk | Published : Thu, Jan 18, 2024, 08:00 PM
నూతన దర్శకుడు శౌర్యువ్ దర్శకత్వంలో నేచురల్ స్టార్ నాని నటించిన 'హాయ్ నాన్నా' సినిమా యొక్క డిజిటల్ స్ట్రీమింగ్ రైట్స్ ని ప్రముఖ డిజిటల్ స్ట్రీమింగ్ ప్లాట్‌ఫామ్ నెట్‌ఫ్లిక్స్ సొంతం చేసుకున్న సంగతి అందరికి తెలిసిందే. జనవరి 4, 2024న నెట్‌ఫ్లిక్స్‌లో ఈ చిత్రం డిజిటల్ స్ట్రీమింగ్ కి అందుబాటులోకి వచ్చింది.
లేటెస్ట్ అప్డేట్ ప్రకారం, జనవరి 8-14, 2024 వారానికి సంబంధించిన తాజా నెట్‌ఫ్లిక్స్ గ్లోబల్ చార్ట్‌లలో హాయ్ పాపా (హిందీ) 1.2 మిలియన్లకు పైగా వీక్షణలతో 4వ స్థానాన్ని పొందగా తెలుగు వెర్షన్ 1 మిలియన్ వీక్షణలతో 6వ స్థానాన్ని పొందింది.
సీతా రామం ఫేమ్ మృణాల్ ఠాకూర్ ఈ సినిమాలో నానికి జోడిగా నటిస్తుంది. ఈ పాన్-ఇండియన్ చిత్రంలో బేబీ కియారా, జయరామ్, ప్రియదర్శి, శ్రుతి హాసన్ మరియు ఇతరులు ముఖ్యమైన పాత్రలు పోషించారు.
ప్రముఖ మలయాళ మ్యూజిక్ డైరెక్టర్ హృదయం ఫేమ్ హేషమ్ అబ్దుల్ వహాబ్ ఈ సినిమాకి సంగీతం అందిస్తున్నారు. వైరా ఎంటర్‌టైన్‌మెంట్స్ పతాకంపై మోహన్ చెరుకూరి (CVM), డాక్టర్ విజయేందర్ రెడ్డి తీగల మరియు మూర్తి KS ఈ చిత్రాన్ని నిర్మిస్తున్నారు.
|
|