సెలబ్రిటీల కోసం హైదరాబాద్‌లో 'కెప్టెన్ మిల్లర్' స్పెషల్ షో?
cinema | Suryaa Desk | Published : Tue, Jan 23, 2024, 02:28 PM
అరుణ్ మాథేశ్వరన్ దర్శకత్వంలో కోలీవుడ్ స్టార్ హీరో ధనుష్ నటించిన 'కెప్టెన్ మిల్లర్' సినిమా యొక్క తమిళ వెర్షన్ జనవరి 12, 2024న విడుదల అయ్యింది. ఈ సినిమా యొక్క తెలుగు వెర్షన్ ని జనవరి 26, 2024న విడుదల కానుంది. ఈ చిత్రాన్ని ఆంధ్రాప్రదేశ్ అండ్ తెలంగాణలో సురేశ్‌ప్రొడక్షన్స్ మరియు ఏషియన్ సినిమాస్ విడుదల చేస్తుంది.
విడుదల తేదీకి ముందు రోజు రాత్రి అంటే జనవరి 25, 2024న ఈ సినిమాకి సంబంధించిన స్పెషల్ షో షెడ్యూల్ చేయబడిందని తాజా సమాచారం. ఈ స్పెషల్ షో సెలబ్రిటీల కోసం ప్రత్యేకంగా హైదరాబాద్‌లోని AMB సినిమాస్‌లో ప్రదర్శించబడుతుంది. బుకింగ్స్ VIP స్క్రీన్ కోసం మాత్రమే ఓపెన్ అవుతాయి అని వార్తలు వినిపిస్తున్నాయి.
ఈ యాక్షన్ థ్రిల్లర్ లో కన్నడ స్టార్ హీరో శివరాజ్‌కుమార్, ప్రియాంక అరుల్ మోహన్, తెలుగు హీరో సందీప్ కిషన్, నివేదిత సతీష్, ఎడ్వర్డ్ సోన్నెన్‌బ్లిక్ కీలక పాత్రల్లో నటిస్తున్నారు. ఈ చిత్రానికి జివి ప్రకాష్ సంగీత దర్శకుడు. ఈ చిత్రాన్ని జి. శరవణన్, సాయి సిద్ధార్థ్‌లు సంయుక్తంగా నిర్మిస్తున్నారు.
|
|