'గేమ్ ఛేంజర్' విడుదల తేదీ ప్రకటన త్వరలో వెలువడుతుందా?
cinema | Suryaa Desk | Published : Tue, Jan 23, 2024, 06:20 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి 'గేమ్ ఛేంజర్' అనే టైటిల్ ని మూవీ మేకర్స్ లాక్ చేసారు. ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. ఈ సినిమాని సెప్టెంబరు 2024లో విడుదల చేస్తామని ఇటీవలే చిత్ర నిర్మాత దిల్ రాజు తెలిపారు. షూటింగ్ పూర్తయిన వెంటనే విడుదల తేదీని ప్రకటిస్తామని దిల్ రాజు తెలిపారు. తాజా సమాచారం ప్రకారం, గేమ్ ఛేంజర్ విడుదల తేదీని అతి త్వరలో మూవీ మేకర్స్ ప్రకటించడానికి ప్లాన్ చేస్తున్నట్లు సోషల్ మీడియాలో వార్తలు వినిపిస్తున్నాయి.
అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|
