'లాల్ సలామ్' ని USAలో విడుదల చేయనున్న ప్రముఖ ప్రొడక్షన్ హౌస్
cinema | Suryaa Desk | Published : Fri, Feb 02, 2024, 04:41 PM
సూపర్ స్టార్ రజనీకాంత్ ప్రస్తుతం తన పెద్ద కూతురు ఐశ్వర్య రజనీకాంత్ దర్శకత్వంలో రూపొందుతున్న 'లాల్ సలామ్' చిత్రంలో నటిస్తున్నారు. ఈ సినిమాలో రజనీ ముంబైకి చెందిన మొయిదీన్ భాయ్ అనే గ్యాంగ్‌స్టర్ పాత్రలో కనిపించనున్నాడని సమాచారం. లాల్ సలామ్ సినిమా క్రికెట్ మరియు హిందూ-ముస్లిం మత ఘర్షణల నేపథ్యంలో సాగే స్పోర్ట్స్ డ్రామా.
తాజాగా ఇప్పుడు లాల్‌సలామ్ ని USAలో ఫిలిం డిస్ట్రిబ్యూషన్ నెట్వర్క్ భారీ స్థాయిలో విడుదల చేస్తున్నట్లు సమాచారం. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసి అధికారకంగా ప్రకటించింది. ఈ చిత్రం ఫిబ్రవరి 9, 2024న విడుదల కానుంది.
ఈ చిత్రంలో భారత మాజీ కెప్టెన్ కపిల్‌దేవ్‌, విష్ణు విశాల్ మరియు విక్రాంత్ కీలక పాత్రలలో నటిస్తున్నారు. లైకా ప్రొడక్షన్స్ భారీ ఎత్తున నిర్మిస్తున్న ఈ సినిమాలో తెలుగు నటి, దర్శకురాలు జీవిత రాజశేఖర్ రజనీకాంత్ సోదరిగా నటిస్తుంది. ఈ చిత్రానికి ఏఆర్ రెహమాన్ సంగీతం అందించనున్నారు.
|
|
