నెట్‌ఫ్లిక్స్ గ్లోబల్ చార్ట్‌లను రూల్ చేస్తున్న 'సాలార్'
cinema | Suryaa Desk | Published : Fri, Feb 02, 2024, 06:27 PM
పాన్ ఇండియా స్టార్ హీరో ప్రభాస్ నటించిన సాలార్: పార్ట్ 1 డిసెంబర్ 22, 2023న తెలుగు, తమిళం, కన్నడ, మలయాళం మరియు హిందీ భాషల్లో ప్రపంచవ్యాప్తంగా థియేటర్లలోకి వచ్చింది. ప్రశాంత్ నీల్ దర్శకత్వం వహించిన ఈ సినిమాలో మాలీవుడ్ స్టార్ పృథ్వీరాజ్ సుకుమార్ కీలక పాత్ర పోషించాడు.
ప్రముఖ డిజిటల్ ప్లాట్ఫారం నెట్‌ఫ్లిక్స్ సాలార్ డిజిటల్ స్ట్రీమింగ్ హక్కులను సొంతం చేసుకున్న సంగతి అందరికి తెలిసిందే. ఈ చిత్రం నెట్‌ఫ్లిక్స్‌లో డిజిటల్ ఎంట్రీ ఇవ్వగా రెండవ వారంలో 1.9 మిలియన్ల వ్యూస్ ని పొంది నెట్‌ఫ్లిక్స్ గ్లోబల్ చార్ట్‌లలో 6వ స్థానంలో నిలిచింది.
యాక్షన్ థ్రిల్లర్ ట్రాక్ లో వచ్చిన ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు. ఈ చిత్రానికి రవి బస్రూర్ సంగీతాన్ని అందిస్తున్నారు.
|
|
