వాయిదా పడిన 'గ్యాంగ్స్ అఫ్ గోదావరి'
cinema | Suryaa Desk | Published : Fri, Feb 02, 2024, 06:37 PM
కృష్ణ చైతన్య దర్శకత్వంలో మాస్ కా దాస్ విశ్వక్సేన్ తన తదుపరి చిత్రాన్ని అధికారకంగా ప్రకటించిన సంగతి అందరికి తెలిసిందే. ఈ సినిమాకి 'గ్యాంగ్స్ ఆఫ్ గోదావరి' అనే టైటిల్ ని మూవీ మేకర్స్ లాక్ చేసారు. కొన్ని నెలల క్రితం విడుదలైన టీజర్‌కి అద్భుతమైన స్పందన వచ్చింది.
యాక్షన్ డ్రామాగా తెరకెక్కుతున్న ఈ చిత్రం మార్చి 8, 2024న విడుదల కానుంది అని మూవీ మేకర్స్ ప్రకటించారు. తాజాగా ఇప్పుడు ఈ సినిమా మ్యూజిక్ డైరెక్టర్ యువన్‌శంకర్‌రాజా సోదరి మరణించడంతో ఈ సినిమా బ్యాక్‌గ్రౌండ్ స్కోర్ వర్క్ ఆలస్యం కానున్నట్లు సమాచారం. ఈ కారణంగా మూవీ వాయిదా పడినట్లు వార్తలు వినిపిస్తున్నాయి.
ఈ సినిమాలో అంజలి, నేహా శెట్టి కథానాయికలుగా నటిస్తున్నారు. ఈ చిత్రంలో నాజర్, సాయి కుమార్, గోపరాజు రమణ తదితరులు ముఖ్య పాత్రలు పోషిస్తున్నారు. ప్రముఖ నిర్మాణ సంస్థలు సితార ఎంటర్‌టైన్‌మెంట్స్ మరియు ఫార్చూన్ ఫోర్ ఎంటర్‌టైన్‌మెంట్స్ సంయుక్తంగా ఈ చిత్రాన్ని నిర్మిస్తున్నాయి. ఈ చిత్రానికి యువన్ శంకర్ రాజా సంగీతం అందిస్తున్నారు.
|
|
