రామ్ చరణ్ తదుపరి చిత్రంపై సాలిడ్ బజ్
cinema | Suryaa Desk | Published : Sat, Feb 03, 2024, 09:23 PM
బుచ్చిబాబు సన దర్శకత్వంలో మెగా పవర్‌స్టార్ రామ్ చరణ్ తన 16వ చిత్రాన్ని చేయనున్న సంగతి అందరికి తెలిసందే. ప్రస్తుతం ప్రీ ప్రొడక్షన్ పనులు శరవేగంగా జరుగుతున్నాయి. తాజాగా ఇప్పుడు ఈ స్పోర్ట్స్ డ్రామా ప్రధాన ఫోటోగ్రఫీ ఉత్తరఆంధ్రలో ఏప్రిల్ 2024లో ప్రారంభం కానుంది. దీనికి సంబంధించిన అధికారిక ప్రకటన త్వరలో వెలువడనుంది. ఈ చిత్రం ఉత్తర ఆంధ్ర స్లాంగ్‌కి సంబంధించిన అథెంటిక్ ఫ్లేవర్‌తో రూపొందుతుందని సమాచారం.
ఈ చిత్రంలో కన్నడ స్టార్ హీరో రాజ్‌కుమార్ కీలక పాత్రలో కనిపించనున్నారు. అందరూ ఎంతో ఆసక్తిగా ఎదురుచూస్తున్న ఈ సినిమాకి AR రెహమాన్ సంగీతం అందిస్తున్నారు. గ్రామీణ స్పోర్ట్స్ డ్రామాగా రానున్న ఈ చిత్రాన్ని వృద్ధి సినిమాస్‌ పతాకంపై వెంకట సతీష్‌ కిలారు నిర్మిస్తున్నారు. సుకుమార్ రైటింగ్స్, మైత్రీ మూవీ మేకర్స్ బ్యానర్లు సంయుక్తంగా ఈ చిత్రాన్ని సమర్పిస్తున్నారు.
|
|