డిజిటల్ ఎంట్రీ ఇచ్చేసిన 'సాలార్' ఇంగ్లీష్ వెర్షన్
cinema | Suryaa Desk | Published : Mon, Feb 05, 2024, 03:11 PM
పాన్ ఇండియా స్టార్ హీరో ప్రభాస్ నటించిన సాలార్: పార్ట్ 1 డిసెంబర్ 22, 2023న తెలుగు, తమిళం, కన్నడ, మలయాళం మరియు హిందీ భాషల్లో ప్రపంచవ్యాప్తంగా థియేటర్లలోకి వచ్చింది. ప్రముఖ డిజిటల్ ప్లాట్ఫారం నెట్‌ఫ్లిక్స్ సాలార్ డిజిటల్ స్ట్రీమింగ్ హక్కులను సొంతం చేసుకున్న సంగతి అందరికి తెలిసిందే. ఇటీవలే ఈ చిత్రం నెట్‌ఫ్లిక్స్‌లో డిజిటల్ ఎంట్రీ ఇచ్చింది. తాజాగా ఇప్పుడు చిత్రం యొక్క ఇంగ్లీష్ వెర్షన్ స్ట్రీమింగ్ కి అందుబాటులోకి వచ్చినట్లు డిజిటల్ ప్లాట్ఫారం సరికొత్త పోస్టర్ ని విడుదల చేసి ప్రకటించింది.
ప్రశాంత్ నీల్ దర్శకత్వం వహించిన ఈ సినిమాలో మాలీవుడ్ స్టార్ పృథ్వీరాజ్ సుకుమార్ కీలక పాత్ర పోషించాడు. యాక్షన్ థ్రిల్లర్ ట్రాక్ లో వచ్చిన ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు. ఈ చిత్రానికి రవి బస్రూర్ సంగీతాన్ని అందిస్తున్నారు.
|
|
