ఈ తేదీన ప్రారంభం కానున్న 'ఊరు పేరు భైరవకోన' పెయిడ్ ప్రీమియర్స్
cinema | Suryaa Desk | Published : Wed, Feb 07, 2024, 05:19 PM
వీఐ ఆనంద్ దర్శకత్వంలో యంగ్ అండ్ ప్రామిసింగ్ హీరో సందీప్ కిషన్ ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ మిస్టరీ థ్రిల్లర్ కి 'ఊరి పేరు భైరవకోన' అనే టైటిల్ ని మూవీ మేకర్స్ లాక్ చేసారు. ఊరు పేరు భైరవకోన మూవీ ఫిబ్రవరి 16, 2024న విడుదల కానుంది.
తాజాగా ఇప్పుడు ఈ ఫాంటసీ డ్రామా మూవీ మేకర్స్ విడుదలకి రెండు రోజుల ముందుగానే పెయిడ్-ప్రీమియర్‌ని నిర్వహించడానికి ప్లాన్ చేస్తున్నట్లు సమాచారం. అంటే ఫిబ్రవరి 14న ప్రేమికుల రోజున ఎంపిక చేసిన నగరాల్లో ప్రత్యేక షోలు ప్రసారం కానున్నాయి.
ఈ సినిమాలో వర్ష బొల్లమ్మ కథానాయికగా నటిస్తుంది. కావ్య థాపర్, హర్ష చెముడు, రాజశేఖర్ అనింగి, వెన్నెల కిషోర్ ఈ సినిమాలో కీలక పాత్రల్లో నటిస్తున్నారు. ఎకె ఎంటర్‌టైన్‌మెంట్స్‌ ప్రతిష్టాత్మకంగా సమర్పణలో హాస్య మూవీస్‌ బ్యానర్‌పై రాజేష్‌ దండా నిర్మిస్తున్నారు. ఈ చిత్రానికి శేఖర్ చంద్ర సంగీతం అందించారు.
|
|
