లాల్ సలామ్ : రజనీకాంత్ కి తెలుగులో డబ్బింగ్ చెప్పిన స్టార్ నటుడు
cinema | Suryaa Desk | Published : Sun, Feb 11, 2024, 01:43 PM
ఐశ్వర్య రజనీకాంత్ దర్శకత్వంలో సూపర్ స్టార్ రజనీకాంత్ నటించిన 'లాల్ సలామ్' చిత్రం ఫిబ్రవరి 9, 2024న విడుదల అయ్యింది. ఈ సినిమా విడుదలైన అన్ని చోట్ల మిక్స్డ్ టాక్ ని సొంతం చేసుకుంటుంది. ఈ సినిమాలో రజనీ ముంబైకి చెందిన మొయిదీన్ భాయ్ అనే గ్యాంగ్స్టర్ పాత్రలో కనిపించనున్నాడు. లాల్ సలామ్ సినిమా క్రికెట్ మరియు హిందూ-ముస్లిం మత ఘర్షణల నేపథ్యంలో సాగే స్పోర్ట్స్ డ్రామా.
సూపర్స్టార్ రజనీకాంత్కు తెలుగు ప్రేక్షకుల్లో ఉన్న ఫాలోయింగ్ కి ముఖ్య కారణం గాయకుడు మనో. మనో తన అద్భుతమైన గాత్రం ద్వారా రజనీకాంత్ని ప్రేక్షకులకు మరింత దగ్గర చేశాడు అని చెప్పొచ్చు. కానీ ఆశ్చర్యకరంగా మనో ఈ సినిమా తెలుగు డబ్బింగ్ వెర్షన్కి డబ్బింగ్ చెప్పలేదు. బదులుగా, ప్రముఖ నటుడు సాయి కుమార్ సూపర్స్టార్కి తన గాత్రాన్ని అందించారు. రజనీకాంత్కి సాయి కుమార్ వాయిస్ ఓవర్ ఇవ్వడం ఇదే మొదటిసారి కాదు. గతంలో రజనీకాంత్కి సాయి కుమార్ పెద్దరాయుడు, బాషా చిత్రాలకు డబ్బింగ్ చెప్పారు.
లాల్ సలామ్ చిత్రంలో భారత మాజీ కెప్టెన్ కపిల్దేవ్, విష్ణు విశాల్ మరియు విక్రాంత్ కీలక పాత్రలలో నటిస్తున్నారు. లైకా ప్రొడక్షన్స్ భారీ ఎత్తున నిర్మిస్తున్న ఈ సినిమాలో తెలుగు నటి, దర్శకురాలు జీవిత రాజశేఖర్ రజనీకాంత్ సోదరిగా నటిస్తుంది. ఈ చిత్రానికి ఏఆర్ రెహమాన్ సంగీతం అందించనున్నారు.
|
|