డిజిటల్ ఎంట్రీ ఇచ్చేసిన ఇటీవలి మలయాళ హిట్ చిత్రం
cinema | Suryaa Desk | Published : Tue, Feb 13, 2024, 07:25 PM
అబ్రహం ఓజ్లర్ అనే మలయాళ చిత్రం బాక్స్ఆఫీస్ వద్ద సెన్సేషన్ ని సృష్టించింది. పెద్దగా అంచనాలు లేకుండా వచ్చిన ఈ సినిమా ప్రపంచవ్యాప్తంగా 40 కోట్లకు పైగా వసూళ్లు సాధించి హిట్ స్టేటస్ సాధించింది. సైకలాజికల్ మెడికల్ క్రైమ్ థ్రిల్లర్ గా వచ్చిన ఈ సినిమాలో జయరామ్ ప్రధాన పాత్రలో నటించారు. ఈ సినిమా డిజిటల్ స్ట్రీమింగ్ రైట్స్ ని అమెజాన్ ప్రైమ్ వీడియో సొంతం చేసుకున్న సంగతి తెలిసిందే. తాజాగా ఇప్పుడు ఈ సినిమా డిజిటల్ స్ట్రీమింగ్ కి అందుబాటులోకి వచ్చింది.
ఈ చిత్రానికి మిధున్ మాన్యువల్ థామస్ దర్శకత్వం వహిస్తున్నారు. ఈ చిత్రంలో మాలీవుడ్ మెగాస్టార్ మమ్ముట్టి అతిధి పాత్రలో నటించారు. అనశ్వర రాజన్, అర్జున్ అశోకన్, అనూప్ మీనన్, ఆర్య సలీం, సైజు కురుప్ మరియు సెంథిల్ కృష్ ఈ సినిమాలో కీలక పాత్రల్లో నటించారు. ఇర్షాద్ ఎం. హాసన్, దర్శకుడితో కలిసి నేరంబోక్కు మరియు మాన్యువల్ మూవీ మేకర్స్ బ్యానర్‌లపై ఈ చిత్రాన్ని నిర్మించారు.
|
|
