ఎవరినైతే బాధించాయో వారు క్షమించండి
cinema | Suryaa Desk | Published : Thu, Feb 29, 2024, 03:46 PM
మెగా ప్రిన్స్ వరుణ్ తేజ్ హీరోగా రూపుదిద్దుకుంటున్న సినిమా ‘ఆపరేషన్ వాలెంటైన్’ . మార్చి 1న విడుదల కాబోతోన్న ఈ సినిమా ప్రమోషన్స్ నిమిత్తం రీసెంట్‌గా ప్రీ రిలీజ్ వేడుకను మేకర్స్ గ్రాండ్‌గా నిర్వహించిన విషయం తెలిసిందే. పద్మ విభూషణ్ మెగాస్టార్ చిరంజీవి ఈ వేడుకకు ముఖ్య అతిథిగా హాజరయ్యారు. అయితే ఈ ప్రీ రిలీజ్ వేడుకలో మెగా బ్రదర్ నాగబాబు చేసిన 5 అడుగుల 3 అంగుళాలు అనే కామెంట్‌పై సోషల్ మీడియాలో పెద్ద దుమారమే చెలరేగుతోంది. ఇది ఇండస్ట్రీలోని ఓ హీరోని ఉద్దేశిస్తూ.. నాగబాబు ఈ కామెంట్స్ చేశారని, ఆయనని ఆ హీరో ఫ్యాన్స్ తెగ ట్రోల్ చేస్తున్నారు. ఈ ట్రోలింగ్‌పై తాజాగా నాగబాబు రియాక్ట్ అయ్యారు. తన మాటను వెనక్కి తీసుకుంటున్నట్లుగా చెబుతూ.. ఆ మాటలు ఎవరినైతే బాధించాయో.. వారిని క్షమించమని అడిగారు. నాగబాబు విడుదల చేసిన లేఖలో.. ‘‘ఇటీవల జరిగిన వరుణ్ బాబు ‘ఆపరేషన్ వాలెంటైన్’ ప్రీ రిలీజ్ ఈవెంట్‌లో నేను పోలీస్ క్యారెక్టర్ 6 అడుగుల 3 అంగుళాలు ఉండే వ్యక్తులు చేస్తే బాగుంటుంది. 5 అడుగుల మూడు అంగుళాల వ్యక్తులు చేస్తే నొప్పదు అన్నట్టు మాట్లాడాను, ఆ మాటలు నేను వెనక్కి తీసుకుంటున్నాను. ఎవరైనా ఆ మాటలకి నొచ్చుకుని ఉంటే.. I am Really Very sorry. అది యాదృచ్ఛికంగా వచ్చిందే కానీ.. వాంటెడ్‌గా అన్న మాటలు కాదు, అందరూ అర్థం చేసుకుని క్షమిస్తారని ఆశిస్తున్నాను.. -మీ నాగబాబు’’ అని తెలిపారు.
|
|