ట్రెండింగ్
'ప్రేమలు' సినిమాని చూడనున్న రాజమౌళి
cinema | Suryaa Desk | Published : Thu, Mar 07, 2024, 04:30 PM
గిరీష్ ఎడి దర్శకత్వం వహించిన రొమాంటిక్ కామెడీ సినిమా ప్రేమలు ఈ సంవత్సరం మాలీవుడ్‌లో విడుదలైన బ్లాక్‌బస్టర్‌లలో ఒకటిగా నిలిచింది. ఈ సినిమాలో నస్లెన్ కె గఫూర్ మరియు మమితా బైజు ప్రధాన జంటగా నటించారు. ఈ చిత్రం యొక్క తెలుగు వెర్షన్ మార్చి 8, 2024న విడుదల కానుంది.
తాజాగా ఇప్పుడు, మాస్టర్ డైరెక్టర్ SS రాజమౌళి శుక్రవారం ప్రేమలు సినిమాను హైదరాబాద్‌లోని ప్రసాద్స్ మల్టీప్లెక్స్‌లో ఉదయం 11:45 గంటలకు చుడనున్నట్లు సమాచారం. ఆయనతో పాటు పలువురు ప్రముఖులు కూడా ఈ స్క్రీనింగ్‌లో పాల్గొననున్నారు. ఈ సినిమా తెలుగు వెర్షన్‌ను రాజమౌళి తనయుడు ఎస్‌ఎస్ కార్తికేయ విడుదల చేస్తున్నారు.
ఈ సినిమాలో శ్యామ్ మోహన్ ఎమ్, మీనాక్షి రవీంద్రన్, అఖిలా భార్గవన్, అల్తాఫ్ సలీం, మాథ్యూ థామస్ మరియు సంగీత్ ప్రతాప్ కీలక పాత్రలు పోషిస్తున్నారు. విష్ణు విజయ్ ఈ చిత్రానికి సంగీతం సమకూర్చారు.
|
|