ఏప్రిల్ 12న విడుద‌ల‌కు సిద్ధమైన ‘రోటి కపడా రొమాన్స్’
cinema | Suryaa Desk | Published : Tue, Mar 12, 2024, 06:09 PM
‘హుషారు, సినిమా చూపిస్త మావ, మేం వయసుకు వచ్చాం, ప్రేమ ఇష్క్ కాదల్, పాగల్’ వంటి యూత్ ఫుల్ చిత్రాలను నిర్మించిన ప్రముఖ నిర్మాత, లక్కీ మీడియా అధినేత బెక్కెం వేణుగోపాల్. సృజన్‌ కుమార్ బొజ్జంతో కలిసి నిర్మించిన చిత్రం ‘రోటి కపడా రొమాన్స్’ . హర్ష నర్రా, సందీప్ సరోజ్, తరుణ్ , సుప్రజ్ రంగా, సోనూ ఠాకూర్, నువ్వేక్ష, మేఘలేఖ, ఖుష్బూ చౌదరి హీరోహీరోయిన్లుగా నటిస్తున్న ఈ చిత్రానికి విక్రమ్ రెడ్డి దర్శకుడు. ఏప్రిల్ 12న విడుద‌ల‌కు ఈ చిత్రం రెడీ అవుతోంది. ఈ క్ర‌మంలో ఇటీవ‌ల విడుద‌ల చేసిన ప్ర‌తి ప్ర‌చార చిత్రానికి మంచి స్పంద‌న రాగా తాజాగా ఈ చిత్రం నుంచి ఓ మై ఫ్రెండ్ అనే లిరిక‌ల్ వీడియో సాంగ్‌ను విడుద‌ల చేశారు.ఈ కార్య‌క్ర‌మానికి ముఖ్య అతిథులుగా విచ్చేసిన ప్రముఖ న‌టుడు, బిగ్‌బాస్ ఫేమ్‌, శివాజీ, స‌క్సెస్‌ఫుల్ దర్శకుడు త్రినాథ‌రావు న‌క్కిన, ర‌చ‌యిత ప్ర‌స‌న్న‌కుమార్‌లు ఈ పాట‌ను లాంచ్ చేశారు. ఈ సంద‌ర్భంగా శివాజీ మాట్లాడుతూ ఇటీవ‌లేల నేను ఈ సినిమా చూశాన‌ని, నేటి యూత్‌కు న‌చ్చే విధంగా ట్రెండీగా ఉంద‌ని.. పాట‌లు చాలా బాగున్నాయ‌ని, న‌టీన‌టులంతా చ‌క్క‌గా న‌టించారన్నారు. దర్శకుడు విక్రమ్ రెడ్డి చిత్రాన్ని బాగా హ్యాండిల్ చేశాడని, ఈ చిత్రంతో తెలుగు సినీ ప‌రిశ్ర‌మ‌కు మరో ప్ర‌తిభ గ‌ల దర్శకుడు దొరికాడని, ఈ సినిమా ప్రేక్ష‌కులంద‌రికి కూడా న‌చ్చుతుంద‌ని ఆశిస్తున్నా అన్నారు.
|
|