'మట్కా' గురించిన లేటెస్ట్ అప్డేట్
cinema | Suryaa Desk | Published : Tue, Mar 19, 2024, 04:50 PM
టాలీవుడ్ మెగా ప్రిన్స్ వరుణ్ తేజ్ తన 14వ చిత్రాని పలాస ఫేమ్ కరుణ కుమార్ దర్శకత్వంలో చేస్తున్నట్లు అధికారకంగా ప్రకటించిన సంగతి అందరికి తెలిసిందే. ఈ పాన్-ఇండియన్ చిత్రానికి 'మట్కా' అని టైటిల్ ని లాక్ చేసారు. తాజాగా ఇప్పుడు ఈ చిత్రం మక్తా రాజు రతన్ ఖత్రీ ఆధారంగా తెరకెక్కిందని వార్తలు వస్తున్నాయి. కథలోని కొంత భాగం రతన్ జీవితం ఆధారంగా రూపొందించినట్లు లేటెస్ట్ టాక్. ఈ విషయానికి సంబంధించిన అధికారిక ధృవీకరణ ఇంకా వెలువడాల్సి ఉంది.
ఈ హై-బడ్జెట్ మూవీలో మీనాక్షి చౌదరి కథానాయికగా నటిస్తుంది. ఈ సినిమాలో బాలీవుడ్ బ్యూటీ నోరా ఫతేహి ముఖ్య పాత్రలో కనిపించనుంది. నవీన్ చంద్ర, కన్నడ కిషోర్, అజయ్ ఘోష్, మైమ్ గోపి, రూపలక్ష్మి, విజయరామరాజు, జగదీష్, రాజ్ తిరందాస్ మరియు ఇతరులు ఈ సినిమా కీలక పత్రాలు పోషిస్తున్నారు.
ఈ చిత్రానికి జివి ప్రకాష్ కుమార్ సంగీతం అందిస్తున్నారు. వైరా ఎంటర్‌టైన్‌మెంట్స్ బ్యానర్‌పై మోహన్ చెరుకూరి (సివిఎం), డా.విజేందర్ రెడ్డి తీగల ఈ చిత్రాన్ని భారీ ఎత్తున నిర్మించనున్నారు.
|
|
