7M+ వ్యూస్ ని సొంతం చేసుకున్న 'ఉస్తాద్ భగత్ సింగ్' గ్లింప్సె
cinema | Suryaa Desk | Published : Sat, Mar 23, 2024, 04:32 PM
హరీష్ శంకర్ దర్శకత్వంలో టాలీవుడ్ పవర్‌స్టార్ పవన్ కళ్యాణ్ ఒక సినిమాని ప్రకటించిన సంగతి అందరికి తెలిసిందే. ఈ సినిమాకి 'ఉస్తాద్ భగత్ సింగ్' అనే టైటిల్‌ను మేకర్స్ ఖరారు చేసారు. ఇటీవలే మూవీ మేకర్స్ ఈ యాక్షన్-ప్యాక్డ్ ఎంటర్‌టైనర్ సినిమా నుంచి స్పెషల్ గ్లింప్సె ని విడుదల చేసారు.
తాజాగా ఇప్పుడు ఈ స్పెషల్ గ్లింప్సె యూట్యూబ్ లో 7 మిలియన్ వ్యూస్ ని సొంతం చేసుకొని ట్రెండింగ్ లో ఉన్నట్లు సమాచారం. ఈ విషయాన్ని మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి ప్రకటించారు. ఈ మాస్ ఎంటర్‌టైనర్‌లో శ్రీలీల కథానాయికగా నటిస్తోంది.
ఈ కమర్షియల్ ఎంటర్‌టైనర్‌లో అశుతోష్ రానా, గౌతమి, నాగ మహేష్, టెంపర్ వంశీ కీలక పాత్రలు పోషిస్తున్నారు. రాక్‌స్టార్‌ దేవిశ్రీ ప్రసాద్‌ ఈ సినిమాకి సంగీతం అందిస్తున్నారు. మైత్రీ మూవీ మేకర్స్ పతాకంపై నవీన్ యెర్నేని, వై రవిశంకర్‌లు భారీ ఎత్తున ఈ చిత్రాన్ని నిర్మిస్తున్నారు.
|
|
