గేమ్ ఛేంజర్ : విజువల్ ఫీస్ట్ గా 'జరగండి' సాంగ్
cinema | Suryaa Desk | Published : Wed, Mar 27, 2024, 03:05 PM
సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి 'గేమ్ ఛేంజర్' అనే టైటిల్ ని మూవీ మేకర్స్ లాక్ చేసారు. తాజాగా మూవీ మేకర్స్ ఈ సినిమాలోని ఫస్ట్ సింగిల్ ని జరగండి అనే టైటిల్ తో ఈరోజు రామ్ చరణ్ పుట్టినరోజు సందర్భంగా ఆవిష్కరించారు.
ఈ 4 నిమిషాల పాటలో శంకర్ పాట నుండి ఆశించే విజువల్ ఫీస్ట్ ఉంది. ఈ పాటలోని విజువల్స్, అద్భుతమైన ఆర్ట్ వర్క్ మరియు గ్రాండియర్ మనసులను హత్తుకునేలా చేస్తాయి. రామ్ చరణ్ తన అద్భుతమైన స్క్రీన్ ప్రెజెన్స్ తో అదరగొట్టాడు. థమన్ కంపోస్ చేసిన ఈ పాటను దలేర్ మెహందీ మరియు సునిధి చౌహాన్ పాడారు.
ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.
|
|
