'OG' ట్రైలర్ విడుదలకి సిద్ధంగా ఉంది - సుజీత్
cinema | Suryaa Desk | Published : Mon, May 27, 2024, 05:56 PM
టాలీవుడ్ పవర్ స్టార్ పవన్ కళ్యాణ్ తన తదుపరి సినిమాని యంగ్ డైరెక్టర్ సుజీత్ దర్శకతంలో చేస్తున్నట్లు అధికారికంగా ప్రకటించిన సంగతి అందరికి తెలిసిందే. ఈ యాక్షన్-అడ్వెంచర్ చిత్రానికి 'OG' అనే టైటిల్ ని మూవీ మేకర్స్ పెట్టారు. అనౌన్స్‌మెంట్‌తోనే ఈ సినిమా సంచలనం సృష్టించింది. ఈ సినిమా సెప్టెంబర్ 27, 2024న థియేటర్స్ లో విడుదల కానుంది. ఇటీవలి ఇంటర్వ్యూలో, ఈ గ్యాంగ్‌స్టర్ యాక్షన్ డ్రామాలో చాలా జపనీస్ సూచనలు ఉంటాయని సుజీత్ వెల్లడించాడు. సుజీత్ మాట్లాడుతూ.... నేను జపాన్‌ సినిమాలు ఎక్కువగా చూస్తాను. కళ్యాణ్ గారికి కూడా జపనీస్ సినిమాలంటే చాలా ఇష్టం. కళ్యాణ్ గారు జపనీస్ సినిమా మేకర్ అకిరా కురసోవాను అభిమానించడంతో తన కొడుకుకి అకీరా అని పేరు పెట్టారు. OG అంటే ఓజాస్ గంభీర. ఓజాస్ అంటే మాస్టర్ అని అర్ధం. OG అంటే ఒరిజినల్ గ్యాంగ్‌స్టర్ అని కూడా అర్థం. ట్రైలర్ కూడా విడుదలకి సిద్ధంగా ఉంది అని అన్నారు. ఈ పాన్-ఇండియన్ ప్రాజెక్ట్‌లో ప్రియాంక అరుల్ మోహన్ మహిళా ప్రధాన పాత్రలో నటిస్తుంది. ఈ చిత్రంలో ఇమ్రాన్ హష్మీ, ప్రకాష్ రాజ్, అర్జున్ దాస్, శ్రీయా రెడ్డి, హరీష్ ఉత్తమన్ తదితరులు ముఖ్య పాత్రలు పోషిస్తున్నారు. ఈ బిగ్గీకి థమన్ సంగీతాన్ని అందిస్తున్నారు. ఈ సినిమాని డివివి ఎంటర్‌టైన్‌మెంట్స్ నిర్మిస్తుంది.
|
|