సందీప్ కిషన్ తో రొమాన్స్ చేయనున్న రీతూ వర్మ
cinema | Suryaa Desk | Published : Thu, May 30, 2024, 03:15 PM
ఊరు పేరు భైరవకోన విజయం తర్వాత టాలీవుడ్ టాలెంటెడ్ నటుడు సందీప్ కిషన్ మళ్లీ ఫార్మ్ లోకి వచ్చాడు. విఐ ఆనంద్ దర్శకత్వం వహించిన ఈ చిత్రం బాక్సాఫీస్ వద్ద బ్లాక్ బస్టర్ గా నిలిచింది. ధనుష్ నటించిన రాయన్‌లో సందీప్ కనిపించనున్నాడు. తాజాగా నటుడు ధమాకా విజయంతో దూసుకెళ్తున్న త్రినాధ రావు నక్కిన దర్శకత్వంలో (SK 30)లో కనిపించనున్నాడు. లేటెస్ట్ బజ్ ప్రకారం, ఈ చిత్రంలో సందీప్ కి జోడిగా రీతూ వర్మా కనిపించనున్నట్లు ఫిలిం సర్కిల్ లో వార్తలు వినిపిస్తున్నాయి. రావు రమేష్ ఈ సినిమాలో కీలక పాత్ర పోషిస్తున్నారు. ఈ సినిమా రెగ్యులర్ షూట్ త్వరలో ప్రారంభమవుతుంది. ఈ ప్రాజెక్ట్‌కి కథ, స్క్రీన్‌ప్లే మరియు సంభాషణలకు ప్రముఖ రచయిత ప్రసన్న కుమార్ బాధ్యత వహిస్తున్నారు. హాస్య మూవీస్‌, ఏకే ఎంటర్‌టైన్‌మెంట్స్‌ పతాకాలపై ఈ చిత్రాన్ని నిర్మించనున్నారు. పూర్తిస్థాయి ఫ్యామిలీ ఎంటర్‌టైనర్‌గా రూపొందుతున్న ఈ చిత్రాన్ని రాజేష్ దండా నిర్మిస్తుండగా, బాలాజీ గుత్తా సహ నిర్మాతగా వ్యవహరించనున్నారు. ఈ ప్రాజెక్ట్ కి సంబందించిన మరిన్ని వివరాలు మూవీ మేకర్స్ త్వరలో వెల్లడి చేయనున్నారు.
|
|