పొస్టుపోన్ అయ్యిన 'మనమే' సక్సెస్ సెలెబ్రేషన్స్
cinema | Suryaa Desk | Published : Wed, Jun 12, 2024, 03:41 PM
శ్రీరామ్ ఆదిత్య దర్శకత్వంలో టాలీవుడ్ నటుడు శర్వానంద్ నటించిన మనమే సినిమా జూన్ 7, 2024న విడుదల అయ్యింది. ఈ సినిమా విడుదలైన అన్ని చోట్ల పాజిటివ్ రివ్యూస్ ని సొంతం చేసుకుంటుంది. ఇటీవలే మూవీ మేకర్స్ ఈ సినిమా సక్సెస్ సెలెబ్రేషన్స్ ని మంగళగిరిలోని CK కన్వెన్షన్ లో ఈరోజు సాయంత్రం 5 గంటల నుండి నిర్వహించనున్నట్లు ప్రకటించారు. తాజాగా ఇప్పుడు ఈ సినిమా సక్సెస్ సెలబ్రేషన్ ఈవెంట్ ని కొన్ని తెలియని కారణాల వల్ల పొస్టుపోన్ చేసినట్లు త్వరలో కొత్త తేదీని వెల్లడి చేయనున్నట్లు చిత్ర బృందం ప్రకటించింది. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో శర్వాకి జోడిగా కృతి శెట్టి నటిస్తుంది. సీరత్ కపూర్, వెన్నెల కిషోర్, శివ కందుకూరి మరియు రాహుల్ రవీంద్రన్ ఈ సినిమాలో కీలక పాత్రలు పోషిస్తున్నారు. ఈ సినిమాని పీపుల్ మీడియా ఫ్యాక్టరీ బ్యానర్‌పై టిజి విశ్వప్రసాద్ నిర్మిస్తున్నారు. హేషమ్ అబ్దుల్ వహాబ్ ఈ చిత్రానికి సంగీతం సమకూరుస్తున్నారు.
|
|