రూటు మార్చిన రాశిఖన్నా
cinema | Suryaa Desk | Published : Sat, Jun 01, 2019, 07:13 AM
బబ్లీ గర్ల్ రాశి ఖన్నా కనిపించినది కొద్ది సినిమాలే అయినా రెచ్చిపోయి మరీ అందాల ఆరబోదకు ఎప్పుడూ ప్రాధాన్యత ఇవ్వలేదు. కెరీర్ ఆరంభం నుంచి అమ్మడు ఇంతేనని అవకాశాలు తగ్గినా ఏనాడు పట్టించుకోక తన మార్కుతోనే సినిమాలు చేసుకుంటూ వస్తోంది. ‘తొలి ప్రేమ’లో మరపు రాని విజయాన్నందుకున్న రాశికి మంచి అవకాశాలే వస్తాయని అంతా భావించినా ఆశించిన స్థాయిలో అవకాశాలు రాలేదు. దీనికి తోడు ‘శ్రీనివాస కళ్యాణం’ ఫ్లాప్ ఆమె కెరీర్ బాగా స్లో చేసిపడేసింది. కానీ అమ్మడు తమిళంలో తన అందం ప్రతిభతో వరుస విజయాలందుకుంటూ అక్కడ దూసుకెళ్తోంది. మూడు నాలుగు క్రేజీ ప్రాజెక్టులు చేతిలో ఉన్నాయంటే ఆమె ఎంత బిజీనో చెప్పొచ్చు. ఈ మధ్య ‘అయోగ్య’తో హిట్ కొట్టిన రాశి ప్రస్తుతం క్రాంతి మాధవ్ దర్శకత్వంలో విజయ్ దేవరకొండ సరసన ఓ సినిమాలో నటిస్తోంది.
అయితే ఈ బబ్లీగర్ల్ ఈ మధ్య ఓ ఫోటో షూట్లో పాల్గొని యువరాణిలా అందాలు ఆరబోస్తూ దిగిన ఫొటోలు సోషల్ మీడియాలో వైరల్ అవుతున్నాయి. పువ్వులు, ఆకులతో అలంకరించిన ఒక ఊయలలో కూర్చుని రాశి చాలా అందంగా కూడా కనిపిస్తోంది. మరిన్ని అవకాశాల కోసం రాశి రూటు మార్చిందన్నది ఇండస్ట్రీ వర్గాల టాక్. ఏదైతేనేం కుర్రకారు అమ్మడి ఫోటోలతో తెగ హురారెత్తి పోతున్నారు.
|
|