ఇప్పుడు తెలిసిందా మీకు మిస్టర్ సి నన్నెందుకు పెళ్లి చేసుకున్నారో!
cinema | Suryaa Desk | Published : Sun, Jun 02, 2019, 08:54 PM
మెగా పవర్స్టార్ రామ్చరణ్.. తన సతీమణి ఉపాసన సౌతాఫ్రికాలో సమ్మర్ ట్రిప్ ను ఎంజాయ్ చేస్తున్నారు.ఇద్దరూ సరదాగా గడుపుతూ, అడ్వెంచర్స్ చేస్తూ, వివిధ లొకేషన్స్ లో తీసుకున్న పిక్స్ ని సోషల్ మీడియా ద్వారా ఎప్పటికప్పుడు అభిమానులతో పంచుకుంటున్నారు. ఆదివారం(జూన్-2,2019)ఉదయం రెండు సింహం పిల్లలతో ఆడుకుంటున్న ఫొటోను ఉపాసన ట్విట్టర్ ద్వారా షేర్ చేశారు.అయితే ఉపాసన ఈ ఫొటోకు ఇచ్చిన క్యాప్షన్ నెటిజన్లను ఆకర్షిస్తోంది. ‘ఇప్పుడు తెలిసిందా మీకు మిస్టర్ సి నన్నెందుకు పెళ్లి చేసుకున్నారో! ఆఫ్రికా మాకు ఎన్నో పాఠాలు నేర్పింది. ప్రకృతిని, జంతువులను గౌరవించాలి. వాటిని కాపాడుకునేందుకు మనవంతు ఏదన్నా చేసే సమయం వచ్చింది. చిన్న పనులు పెద్ద మార్పును తెస్తాయని ఉపాసన తెలిపారు. తనకు సింహం పిల్లలను పట్టుకునేంత ధైర్యం ఉన్నందుకే చరణ్ తనను పెళ్లి చేసుకున్నారని ఉపాసన పరోక్షంగా చెప్పింది. విహారయాత్ర నుంచి తిరిగి వచ్చాక చెర్రీ.. ‘ఆర్ ఆర్ ఆర్’ షూటింగ్ లో పాల్గొంటారు. రాజమౌళి తెరకెక్కిస్తున్న ఈ సినిమాలో రామ్ చరణ్ అల్లూరి సీతారామరాజుగా, ఎన్టీఆర్ కొమురం భీం పాత్రల్లో నటిస్తున్న విషయం తెలిసిందే.
|
|