'ARM' 5 రోజుల వరల్డ్ వైడ్ గ్రాస్ ఎంతంటే...!
cinema | Suryaa Desk | Published : Tue, Sep 17, 2024, 07:16 PM
జితిన్ లాల్ దర్శకత్వంలో మలయాళ నటుడు టోవినో థామస్ నటించిన అజయంతే రాండమ్ మోషణం (ARM) చిత్రం సెప్టెంబర్ 12, 2024న గ్రాండ్ గా విడుదల అయ్యింది. ఈ సినిమాలో ఐశ్వర్య రాజేష్, సురభి లక్ష్మి మరియు కృతి శెట్టి కథానాయికలుగా నటిస్తున్నారు. టోవినో థామస్ యొక్క 50వ చిత్రంగా ఉన్న ఈ సినిమా ఒక ఎపిక్ ఫాంటసీ సాగా. ఈ పాన్-ఇండియా చిత్రం పూర్తిగా 3Dలో రూపొందించబడింది మరియు మలయాళ సినిమా చరిత్రలో అత్యంత సాంకేతికంగా గొప్ప చిత్రాలలో ఒకటిగా ఉంది. లేటెస్ట్ రిపోర్ట్స్ ప్రకారం, ఈ సినిమా వరల్డ్ వైడ్ గా 5 రోజులలో 50 కోట్ల గ్రాస్ ని వాసులు చేసినట్లు మూవీ మేకర్స్ ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసింది. ఈ చిత్రంలో బాసిల్ జోసెఫ్, జగదీష్, హరీష్ ఉత్తమన్, హరీష్ పెరడి, ప్రమోద్ శెట్టి మరియు రోహిణి తదితరులు కీలక పాత్రలలో నటించారు. ఈ సినిమాని తెలుగులో ప్రముఖ ప్రొడక్షన్ బ్యానర్ మైత్రి మూవీ డిస్ట్రిబ్యూటర్స్ LLP విడుదల చేసింది. ఈ చిత్రానికి దిభు నినాన్ థామస్ సంగీతం అందించగా, జోమోన్ టి జాన్ సినిమాటోగ్రఫీ అందిస్తున్నారు. మ్యాజిక్ ఫ్రేమ్స్ మరియు UGM ప్రొడక్షన్స్‌పై డా. జకరియా థామస్ మరియు లిస్టిన్ స్టీఫెన్ నిర్మించిన ఈ చిత్రానికి సుజిత్ నంబియార్ కథను అందించారు.
|
|