'మిరాయ్' నుండి దసరా ప్రత్యేక పోస్టర్ రిలీజ్
cinema | Suryaa Desk | Published : Sat, Oct 12, 2024, 02:36 PM
టాలీవుడ్ యంగ్ అండ్ టాలెంటెడ్ హీరో తేజ సజ్జా పాన్-ఇండియా హిట్ "హనుమాన్" తో భారీ విజయాన్ని అందుకున్నాడు. తన రాబోయే పాన్-ఇండియా చిత్రం "మిరాయ్"తో మరోసారి ప్రేక్షకులను ఆకర్షించడానికి సిద్ధంగా ఉన్నాడు. ఇటీవలే విడుదలైన ఈ సినిమా గ్లింప్సె కి భారీ రెస్పాన్స్ లభించింది. తాజాగా చిత్ర బృందం దసరా సందర్భంగా ప్రేక్షకులకి శుభాకాంక్షలు తెలియజేస్తూ స్పెషల్ పోస్టర్ ని విడుదల చేసారు. ఈ సినిమా యాక్షన్ సినిమా ఔత్సాహికులు మరియు సాధారణ వీక్షకుల ఆసక్తిని రేకెత్తిస్తుంది. "మిరాయ్" అత్యున్నత స్థాయి నిర్మాణ విలువలతో విజువల్‌గా అద్భుతమైన అనుభూతిని కలిగిస్తుంది. తేజ సజ్జ మరియు మంచు మనోజ్ నటించిన ఫస్ట్-లుక్ పోస్టర్లు మరియు గ్లింప్స్ ఇప్పటికే గణనీయమైన బజ్‌ను సృష్టించాయి. ఈ చిత్రంపై అంచనాలను పెంచాయి. ఈ చిత్రంకి కార్తీక్ ఘట్టమ్నేని సినిమాటోగ్రఫీ మరియు స్క్రీన్‌ప్లే రెండింటినీ నిర్వహిస్తున్నారు. ఈ సినిమాకి మణిబాబు కరణం డైలాగ్స్ రాశారు. గౌర హరి సంగీతాన్ని అందించగా, శ్రీ నాగేంద్ర తంగల కళా దర్శకుడిగా వ్యవహరిస్తున్నారు. "మిరాయ్" ఏప్రిల్ 18, 2025న 8 భాషల్లో గ్రాండ్‌గా విడుదల కానుంది. ఈ చిత్రం 2D మరియు 3D ఫార్మాట్‌లలో సినిమాటిక్ అనుభూతిని అందిస్తుంది.
|
|