తారక్ డైలాగ్ చెప్తుంటే.. సుహాసిని కళ్ళల్లో నీళ్లు..

ఎన్టీఆర్ ఎంతో గొప్ప నటుడో ప్రతిఒక్కరికి తెలుసు. ఎలాంటి పాత్ర అయినా ఇట్టే ఒదిగిపోయే నటుడు. ఎన్టీఆర్ డైలాగ్ చెప్తే థియేటర్స్ దద్దరిల్లాల్సిందే..డాన్స్ చేస్తే ఫ్యాన్స్‌లు పూనకాలు రావాల్సిందే. ఇప్పటికే తారక్ నటనను ఎంతో మంది ఎన్నో సందర్భాల్లో కొనియాడారు. ఎలాంటి డైలాగ్ అయినా సింగిల్ టేక్ ల చెప్పగల నటుడు.. అలాగే ఎలాంటి డాన్స్ మూమెంట్ అయినా.. ఇట్టే చేసేస్తాడు. ప్రస్తుతం తారక్ కు పాన్ ఇండియా రేంజ్ పాలోయింగ్ ఉంది. అంతే కాదు ప్రపంచవ్యాప్తంగా అభిమానులను సొంతం చేసుకున్నాడు తారక్. జపాన్ లోనూ ఎన్టీఆర్ కు వీరాభిమానులు ఉన్నాయి. తారక్ నటించిన ఆర్ఆర్ఆర్ ఎంత పెద్ద విజయం సాధించిందో అందరికి తెలిసిందే. ఇక రీసెంట్ గా దేవర తో ప్రేక్షకుల ముందుకు వచ్చాడు.కొరటాల శివ దర్శకత్వంలో వచ్చిన దేవర కూడా భారీ విజయం సాధించింది. ఈ లో బాలీవుడ్ బ్యూటీ జాన్వీ కపూర్ హీరోయిన్ గా నటించింది. ఇక దేవర కూడా రెండు భాగాలుగా ప్రేక్షకుల ముందుకు రానుంది. ఇదిలా ఉంటే ఎన్టీఆర్ గురించి దర్శకుడు కృష్ణవంశీ చేసిన కామెంట్స్ ఇప్పుడు మరోసారి వైరల్ గా మారాయి. ఎన్టీఆర్ చేసిన పనికి సీనియర్ నటి సుహాసిని కన్నీళ్లు పెట్టుకున్నారు అని తెలిపారు. ఎన్టీఆర్ డైలాగ్స్ ఇరగదీస్తాడని అందరికీ తెలిసిందే..

గతంలో ఓ ఇంటర్వ్యూలో కృష్ణవంశీ మాట్లాడుతూ.. ఎన్టీఆర్ పని రాక్షసుడు.. ఎంత పెద్ద డైలాగ్ అయినా ఇట్టే చెప్పేస్తాడు. రాఖీ లో క్లిమక్స్ డైలాగ్ ఇస్తే అన్న పదినిమిషాలు అన్నాడు. వచ్చాడు బోన్‌లో నిలబడి .. టక టక చెప్పేశాడు. తారక్ డైలాగ్ చెప్తుంటే సుహాసినిగారు అలా చూస్తూ ఉండిపోయారు. ఆవిడ కళ్ళల్లో నీళ్లు కారిపోయాయి. ఆమె వెంటనే పక్కకు వెళ్లి కళ్ళు తూడ్చుకున్నారు అని కృష్ణవంశీ. అబ్బా అంత మెమరీ ఉంది తారక్ కు.. ఆతర్వాత అంత మెమరీ మహేష్ బాబు కు ఉంది అని కృష్ణవంశీ అన్నారు. ఇప్పుడు ఈ కామెంట్స్ మరోసారి సోషల్ మీడియాలో వైరల్ గా మారాయి.