జీ సినిమాల్లో మెగాస్టార్ దీపావళి స్పెషల్ మూవీస్

ఇంద్ర: టాలీవుడ్ చరిత్రలో మెగాస్టార్ చిరంజీవి, నిర్మాత అశ్వినీదత్ కాంబినేషన్‌కి ప్రత్యేక స్థానం ఉంది. 'జగదేక వీరుడు అతిలోక సుందరి', 'చూడాలని ఉంది', 'ఇంద్ర' వంటి సినిమాలు అప్పట్లో టాలీవుడ్‌లో ఆల్‌టైమ్ హైయెస్ట్ గ్రాసర్స్‌గా నిలిచాయి. తాజాగా ఇప్పుడు ఇంద్ర సినిమా అక్టోబర్ 31న ఉదయం 9 గంటలకి జీ సినిమాలు ఛానల్ లో వరల్డ్ టెలివిషన్ ప్రీమియర్ గా ప్రసారం కానుంది. బి గోపాల్ దర్శకత్వం వహించిన ఈ చిత్రం 2002లో జూలై 24న విడుదలై ఇండస్ట్రీ హిట్‌గా నిలిచింది. అంతే కాదు అత్యధిక వసూళ్లు సాధించిన సౌత్ ఇండియన్ సినిమా ఇంద్ర. ఇంద్ర చిత్రం మూడు రాష్ట్ర నంది అవార్డులు మరియు రెండు ఫిల్మ్‌ఫేర్ అవార్డులను సౌత్‌లో గెలుచుకుంది. చిరంజీవి ఉత్తమ నటుడిగా నంది అవార్డు మరియు తెలుగు ఉత్తమ నటుడిగా ఫిల్మ్‌ఫేర్ అవార్డు రెండింటినీ గెలుచుకున్నారు. ఈ సినిమాలో చిరంజీవి సరసన ఆర్తీ అగర్వాల్, సోనాలి బింద్రే హీరోయిన్లుగా నటిస్తున్నారు. ఈ సినిమాలో ప్రకాష్ రాజ్, ఆర్తీ అగర్వాల్, ముఖేష్ రిషి, సునీల్, వేణు మాధవ్, బ్రహ్మానందం మరియు ఇతరులు ప్రముఖ పాత్రల్లో నటించారు. ఈ చిత్రానికి VSR స్వామి సినిమాటోగ్రఫీ అందించగా, మణి శర్మ చార్ట్‌బస్టర్ ఆల్బమ్‌ను అందించారు. 

భోళా శంకర్: టాలీవుడ్ మెగా స్టార్ చిరంజీవి నటించిన భోళా శంకర్ చిత్రానికి మెహర్ రమేష్ దర్శకత్వం వహించారు. ఈ చిత్రం 2015లో అజిత్ ప్రధాన పాత్రలో నటించిన తమిళ హిట్ వేదాళం చిత్రానికి రీమేక్. ఈ సినిమా యొక్క శాటిలైట్ రైట్స్ ని జీ తెలుగు ఛానల్ సొంతం చేసుకుంది. తాజాగా ఇప్పుడు ఈ సినిమా అక్టోబర్ 31న మధ్యాహ్నం 12:00 గంటలకి వరల్డ్ టెలివిషన్ ప్రీమియర్ గా ప్రసారం కానున్నట్లు సమాచారం. ఈ చిత్రంలో తమన్నా చిరుకి జోడిగా నటించింది. కీర్తి సురేష్, సుశాంత్, వేణు యెల్దండి, హైపర్ ఆది, శ్రీముఖి, తరుణ్ అరోరా, మురళీ శర్మ, బిత్తిరి సతి, రవిశంకర్, రఘుబాబు, గెట్ అప్ శ్రీను, రష్మీ గౌతమ్‌, వెన్నెల కిషోర్, తులసి, మరియు ఉత్తేజ్ ఈ సినిమాలో కీలక పాత్రలలో నటించారు. కోల్‌కతా నేపథ్యంలో జరిగిన భోలా శంకర్ ని ఎకె ఎంటర్‌టైన్‌మెంట్స్ పతాకంపై అనిల్ సుంకర నిర్మించారు. మహతి స్వర సాగర్ సంగీతం అందించిన ఈ చిత్రానికి డూడ్లీ సినిమాటోగ్రఫీ అందిస్తున్నారు.