వరుణ్ తేజ్ ‘మట్కా’ ట్రైలర్ విడుదల
cinema | Suryaa Desk | Published : Sat, Nov 02, 2024, 02:31 PM
జయాపజయాలతో సంబంధం లేకుండా వరుణ్ తేజ్ ఎప్పటికప్పుడు కొత్త కథలతో ప్రయోగాలు చేస్తున్నాడు. ప్రస్తుతం వరుణ్ తేజ్ ‘మట్కా’ సినిమాతో రాబోతున్నాడు. ఇప్పటికే ఈ సినిమా నుంచి టీజర్ రిలీజవ్వగా తాజాగా నేడు ట్రైలర్ రిలీజ్ చేశారు. చిరంజీవి చేతుల మీదుగా మట్కా ట్రైలర్ విడుదల చేశారు. ఈ సినిమా నవంబర్ 14న రిలీజ్ కానుంది. వింటేజ్‌ ఫీల్ మాత్రమే కాకుండా, వరుణ్ తేజ్ గెటప్ లు, మంచి పవర్ ఫుల్ డైలాగులు ట్రయిలర్ లో పడ్డాయి.లైన్ గా చూసుకుంటే కింద నుంచి పైకి చీకటి సామ్రాజ్యంలో ఎదిగిన వాడి కథ. అందువల్ల దాని గురించి కొత్తగా చెప్పుకోవడానికి ఏమీ లేదు. కానీ కొత్తగా ఎలా చూపించారు అన్నదే పాయింట్. వింటేజ్‌ ఫీల్ తో పాటు, వరుణ్ తేజ్ గెటప్ లు స్టేజ్‌ స్టేజ్‌కు మారుతూ రావడం, దానికి తగినట్లే ఎమోషనల్ కంటెంట్ కలిసి సినిమా మీద అసక్తి జ‌నరేట్ చేసేలా ట్రయిలర్ ను కట్ చేసాయి.
కరుణ్ కుమార్ కు మంచి పవర్ ఫుల్ డైలాగులు రాసే పెన్ వుంది. పలాస, శ్రీదేవి సోడా సెంటర్ సినిమాలు రూటెడ్ ఎమోషన్ యాక్షన్ తో కూడి వుంటాయి. మట్కా సినిమా వాటికన్నా మరో మెట్టు ఎక్కింది డైలాగుల విషయంలో. వరుణ్ తేజ్ కూడా కొత్తగా వున్నాడు. ఏదో చేయాలి. ఏదో చూపించాలి అనే తపన కనిపించింది
|
|