'దేవర' హిందీ వెర్షన్ ఈ తేదీన ప్రసారం కానుందా
cinema | Suryaa Desk | Published : Wed, Nov 06, 2024, 04:59 PM
జూనియర్ ఎన్టీఆర్ తాజా చిత్రం "దేవర పార్ట్ 1" బాక్సాఫీస్ వద్ద దూసుకుపోతుంది. ప్రతి ప్రాంతంలో కొత్త రికార్డులను నెలకొల్పింది. మిశ్రమ సమీక్షలు ఉన్నప్పటికీ ఈ చిత్రం ఆకట్టుకునే వసూళ్లను సాధించింది. ఈ సినిమా యొక్క డిజిటల్ స్ట్రీమింగ్ రైట్స్ ని నెట్ఫ్లిక్ సొంతం చేసుకున్న సంగతి అందరికి తెలిసిందే. ఈ చిత్రం నవంబర్ 8, 2024 (శుక్రవారం)న నెట్ఫ్లిక్స్లో OTT అరంగేట్రం చేయడానికి సిద్ధంగా ఉంది. తమ అభిమాన తారను స్మాల్ స్క్రీన్పై చూసేందుకు అభిమానులు ఎంతో ఆసక్తిగా ఎదురుచూస్తున్నారు. లేటెస్ట్ రిపోర్ట్స్ ప్రకారం, నవంబర్ 22, 2024న దేవర హిందీ వెర్షన్ను ప్రసారం చేసే అవకాశం ఉంది అని సమాచారం. బృందం నుండి అధికారిక ప్రకటన రావాల్సి ఉంది. తెలుగుతో పాటు, తమిళం, మలయాళం మరియు కన్నడ భాషలలో ప్రేక్షకులు యాక్షన్ డ్రామాని ఆస్వాదించవచ్చు. ఈ చిత్రంలో జూనియర్ ఎన్టీఆర్ సరసన జాన్వీ కపూర్ నటిస్తుండగా, సైఫ్ అలీ ఖాన్ ప్రతినాయకుడి పాత్రలో నటిస్తున్నారు. ఈ చిత్రంలో తారక్ పొన్నప, శృతి మురాతి, వంశి, శ్రీను, హిమజ, రాజ్, అజయ్ కీలక పాత్రలో నటిస్తున్నారు. కళ్యాణ్ రామ్ సమర్పణలో ఎన్టీఆర్ ఆర్ట్స్ పతాకంపై సుధాకర్ మిక్కిలినేని, కొసరాజు హరికృష్ణ నిర్మిస్తున్న "దేవర: పార్ట్ 1" ఎపిక్ సినిమాటిక్ ఎక్స్పీరియన్స్గా నిలుస్తుంది. యువసుధ ఆర్ట్స్ మరియు ఎన్టీఆర్ ఆర్ట్స్ సంయుక్తంగా ఈ చిత్రాన్ని నిర్మించారు. ఈ సినిమాకి అనిరుద్ సంగీతాన్ని అందించారు.
|
|