'దేవకి నందన వాసుదేవ' ప్రీ రిలీజ్ ఈవెంట్ కి చీఫ్ గెస్ట్స్ గా వస్తుంది ఎవరంటే...!
cinema | Suryaa Desk | Published : Tue, Nov 19, 2024, 04:18 PM
లెజెండరీ యాక్టర్ కృష్ణ మనవడు మరియు సూపర్ స్టార్ మహేష్ బాబు మేనల్లుడు అశోక్ గల్లా తన రెండవ చిత్రం దేవకి నందన వాసుదేవ విడుదలకు సిద్ధమవుతున్నాడు. గతంలో సూపర్ హిట్ అయిన గుణ 369 చిత్రానికి దర్శకత్వం వహించిన అర్జున్ జంధ్యాల దర్శకత్వం వహించిన ఈ చిత్రాన్ని లలితాంబిక ప్రొడక్షన్స్ పతాకంపై సోమినేని బాలకృష్ణ నిర్మించగా, నల్లపనేని యామిని సమర్పిస్తున్నారు. ఈ సినిమా నవంబర్ 22న విడుదల కానుంది. ఈ సినిమా ప్రీ రిలీజ్ ఈవెంట్ ని ఈరోజు హైదరాబాద్ లోని ITC కోహినూర్ లో సాయంత్రం 6 గంటల నుండి జరుగనుంది. తాజాగా చిత్ర బృందం ఈ ఈవెంట్ కి ప్రముఖ ప్రొడ్యూసర్ దిల్ రాజు, నమ్రత, అనిల్ రావిపూడి, బోయపాటి శ్రీను, సుధీర్ బాబు, అజయ్ చీఫ్ గెస్ట్స్ గా హాజరుకానున్నట్లు ప్రకటించింది. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసింది. ఇటీవలే మూవీ మేకర్స్ ఈ సినిమా ప్రొమోషన్స్ ని ప్రారంభించారు. ఈ సినిమాలో అశోక్ గల్లా సరసన వారణాసి మానస కథానాయికగా నటిస్తోంది. ఈ సినిమాలో ఝాన్సీ, సంజయ్ స్వరూప్, శ్రావణ్ రాఘవేంద్ర, శత్రు కీలక పాత్రలలో నటిస్తున్నారు. క్రియేటివ్ డైరెక్టర్ ప్రశాంత్ వర్మ ("హను-మాన్") కథ అందించగా, ప్రశంసలు పొందిన సాయి మాధవ్ బుర్రా డైలాగ్స్ రాశారు. సినిమా సౌండ్‌ట్రాక్‌ను భీమ్స్ సిసిరోలియో స్వరపరచగా, సినిమాటోగ్రఫీని ప్రసాద్ మూరెళ్ల మరియు రసూల్ ఎల్లోర్ హ్యాండిల్ చేశారు. తమ్మిరాజు ఎడిటర్‌గా బాధ్యతలు స్వీకరించారు. లలితాంబిక ప్రొడక్షన్స్‌పై సోమినేని బాలకృష్ణ ఈ సినిమాని నిర్మించారు.
|
|