గోవాలో నాగచైతన్య , శోభిత సందడి
cinema | Suryaa Desk | Published : Thu, Nov 21, 2024, 03:46 PM
కేంద్ర ప్రభుత్వం ఆధ్వర్యంలో గోవాలోని పనాజీ వేదికగా 55వ భారతీయ అంతర్జాతీయ సినిమా పండుగ బుధవారం ఘనంగా ప్రారంభమైంది. ఈ వేడుకల్లో అగ్ర తారలు సందడి చేస్తున్నారు.టాలీవుడ్‌ స్టార్‌ నటుడు అక్కినేని నాగార్జున ఫ్యామిలీ ఈ వేడుకల్లో ప్రత్యేక ఆకర్షణగా నిలిచింది. ముఖ్యంగా కాబోయే జంట నాగచైతన్యశోభిత ఈ సినీ పండుగలో సందడి చేశారు. రెడ్‌కార్పెట్‌పై ఇద్దరూ ఫొటోలకు ఫోజులిస్తూ అందరి దృష్టినీ ఆకర్షించారు. ఇందుకు సంబంధించిన ఫొటోలు ప్రస్తుతం నెట్టింట వైరల్‌గా మారాయి.కాగా, ఈ ఏడాది జరుగుతున్న ఇఫీ తెలుగు వారందరికీ ఎంతో ప్రత్యేకం అన్న విషయం తెలిసిందే. 8 రోజులపాటు జరిగే ఈ వేడుకల్లో భారతీయ సినిమాపై చెరగని ముద్ర వేసిన నలుగురు ప్రముఖుల శత జయంతి వేడుకల సందర్భంగా వారికి నివాళులర్పించనున్నారు. అక్కినేని నాగేశ్వరరావు, రాజ్‌కపూర్‌, మధుర గాయకుడు మహమ్మద్‌ రఫీ, బెంగాలీ దర్శకుడు తపన్‌సిన్హాకు నివాళులర్పిస్తూ పలు కార్యక్రమాలను నిర్వహించనున్నారు.
|
|