ఆ జాబితాలో టాప్‌లో సమంత
cinema | Suryaa Desk | Published : Thu, Nov 21, 2024, 08:10 PM
ప్రముఖ మీడియా సంస్థ ఆర్మాక్స్‌ తాజాగా మోస్ట్‌ పాపులర్‌ నటీనటులజాబితాను విడుదల చేసింది. అక్టోబర్‌ నెలలో అత్యంత ప్రేక్షకాదరణ పొందిన హీరో-హీరోయిన్ల లిస్ట్‌ను తాజాగా ప్రకటించింది. ఇందులో హీరోయిన్స్‌ జాబితాలో సమంత టాప్ వన్‌లో నిలవగా.. హీరోల లిస్ట్‌లో మొదటిస్థానంలో ప్రభాస్‌ఉన్నారు. కొన్ని రోజులుగా వరుస సినిమా అప్‌డేట్‌లతో ప్రభాస్‌ సందడి చేస్తుండడంతో ఆయన టాప్ వన్‌ స్థానాన్ని కైవసం చేసుకున్నారు. ఈ స్టార్‌ హీరో నటించిన చిత్రాలు వరుసగా అలరించేందుకు సిద్ధంగా ఉన్న విషయం తెలిసిందే. దీంతో రానున్న నెలల్లోనూ ప్రభాసే టాప్‌లో కొనసాగే అవకాశం ఉందని అభిమానులు భావిస్తున్నారు. ఇక హీరోల జాబితాలో రెండులో కోలీవుడ్‌ హీరో విజయ్‌, మూడులో షారుక్‌ఖాన్‌ ఉన్నారు.
హీరోయిన్ల లిస్ట్‌లో గత నెలలో టాప్‌లో ఉన్న సమంత.. అక్టోబర్‌లోనూ అదే స్థానంలో ఉన్నారు. దీంతో వరుసగా రెండు నెలలపాటు ఆర్మాక్స్‌ మోస్ట్‌ పాపులర్‌ హీరోయిన్ల జాబితాలో టాప్ వన్‌లో ఉన్న సెలబ్రిటీగా రికార్డు సృష్టించారు . గత నెలలో ‘సిటాడెల్‌: హనీ బన్ని’ ప్రమోషన్స్‌లో బిజీగా ఉండడం.. వరుస ఇంటర్వ్యూలతో ఆ వెబ్‌ సిరీస్‌కు సంబంధించిన విశేషాలు పంచుకోవడంతో టాప్‌లో ఉన్న సామ్‌.. ఇటీవల ఆ సిరీస్‌ ప్రేక్షకుల ముందుకువచ్చి ప్రశంసలు అందుకోవడంతో మొదటిస్థానంలోనే ఉన్నారు. దీంతో ఆమె అభిమానులు సంబరపడుతున్నారు. రెండో స్థానాన్ని ‘జిగ్రా’తో పలకరించిన అలియాభట్‌ సొంతం చేసుకున్నారు. టాప్3లో నయనతార నిలిచారు. ఆర్మాక్స్‌లో టాప్ టెన్‌లో నిలిచిన నటీనటులు వీరే..
|
|