హిందీలో రూ.700 కోట్లు కలెక్షన్లు సాధిస్తుందని అంచనా
cinema | Suryaa Desk | Published : Wed, Dec 11, 2024, 04:58 PM
అల్లు అర్జున్‌-సుకుమార్‌ కలయికలో రూపొందిన అత్యంత ప్రతిష్టాత్మక చిత్రం 'పుష్ప-2' ది రూల్‌. ఈ నెల 5న ప్రపంచవ్యాప్తంగా ప్రేక్షకుల ముందుకొచ్చిన ఈ చిత్రం బ్లాక్‌బస్టర్‌ టాక్‌తో విజయవంతంగా ప్రదర్శింపబడుతోంది. అన్ని భాషల్లోనూ ఈ చిత్రం అత్యంత ప్రజాదరణ పొందుతోంది. కేవలం 5 రోజుల్లోనే రూ.829 కోట్లు వసూలు చేసి, 5 రోజుల్లో అత్యంత వేగవంతంగా ఇంతటి కలెక్షన్లు సాధించిన తొలి భారతీయ చిత్రంగా ఆల్‌ టైమ్‌ రికార్డును నెలకొల్పింది. ఈ చిత్రం విడుదలకు ముందే ఎన్నో రికార్డుల మోత మ్రోగించి విడుదల తరువాత కూడా బాక్సాఫీస్‌ వద్ద సరికొత్త రికార్డులను నెలకొల్పుతున్న విషయం తెలిసిందే. అంతేకాదు విడుదలైన రోజు నుంచి ఈ చిత్రం వసూళ్ల విషయంలో ప్రతి రోజు రికార్డులను నెలకొల్పుతుంది. ఈ రోజు సాయంత్రానికి ఈ చిత్రం రూ.1000 కోట్ల వసూళ్ల సాధించిన చిత్ర జాబితాలో చేరనుంది.కాగా ఈ చిత్రానికి హిందీలో, ఉత్తరాధిలో వసూళ్ల సునామి కొనసాగుతుంది. హిందీలో సరికొత్త రికార్డులను నెలకొల్పుతుంది. తాజాగా కేవలం ఆరు రోజుల్లో హిందీలో రూ.375 కోట్ల వసూళ్లు సాధించిన మొదటి భారతీయ చిత్రంగా రికార్డును సొంతం చేసుకుంది. మిగతా భాషలతో పోల్చుకుంటే నార్త్‌లో ఈ చిత్రానికి లభించిన ఆదరణ చూస్తుంటే ట్రేడ్‌ పండితులు ఆశ్చర్చపోతున్నారు. కేవలం వారాంతంలోనే కాకుండా వారంలో మొదటి రోజుల్లో కూడా పుష్ప-2 అత్యధిక కలెక్షన్లు సాధిస్తోంది. కేవలం హిందీలోనే పుష్ప-2 రూ. 700 కోట్లు వసూళ్లు సాధించే అవకాశం వుందని చెబుతున్నాయి ట్రేడ్‌ వర్గాలు
|
|