ఇలియానా గురించి తెలుసుకునేందుకు ఎక్కువమంది..
cinema | Suryaa Desk | Published : Tue, Jul 02, 2019, 03:32 PM
ఇంటర్నెట్ను వృత్తిపరంగా ఉపయోగించేవాళ్ల కన్నా సరదాగా వాడే వాళ్లెక్కువుంటారు. ఈ సరదారాయుళ్లలో ఎక్కువమంది సినిమా తారల గురించి తెలుసుకోవాలని ఉబలాటపడుతుంటారు. నాయికల తాజా సమాచారం, వాళ్లు ఏ సినిమా చిత్రీకరణలో ఉన్నారు, వ్యక్తిగతంగా ఎవరితో ఉన్నారు అనే విషయాలు సామాజిక మాధ్యమాల ద్వారా తెలుస్తుంటాయి. ఈ విషయాలు తెలుసుకునేందుకు అంతా ఉత్సాహం చూపిస్తుంటారు. అలా గోవా సుందరి ఇలియానా గురించి తెలుసుకునేందుకు ఎక్కువమంది ప్రయత్నించినట్లు తాజాగా ఓ సర్వేలో తేలింది. ఈ సర్వేలో ప్రియాంకా చోప్రా, దీపికా పదుకొనే, ప్రీతి జింటా, టబు, కృతి సనన్ లాంటి భామలంతా ఇల్లి బ్యూటీ వెనకే ఉండిపోయారు. తారగా ఇలియానాకున్న పేరుకు ఈ సర్వే నిదర్శనంగా నిలుస్తోంది. ఇక పుష్కరకాల నట ప్రయాణంలో ఎన్నో విజయాలు అందుకుందీ సుందరి. ఐదారేళ్లు దక్షిణాదిలో అగ్ర తారగా వెలిగింది. ఆ తర్వాత బాలీవుడ్ వెళ్లి తన అదృష్టాన్ని కొనసాగించింది. బర్ఫీ, రుస్తుం లాంటి చిత్రాలతో పేరున్న నాయిక అయ్యింది. పరిశ్రమ ఏదైనా విజయాల బాటలోనే నడిచింది ఇలియానా. ఇంత పేరున్నా…. ప్రతి సినిమా కొత్త చిత్రంలాగే ఒత్తిడికి గురవుతానని చెబుతోందీ భామ. ప్రతి శుక్రవారం పరిశ్రమకు, ప్రేక్షకులకు మీరు కొత్త నాయికే అంటుంది ఇలియానా. ప్రతిసారీ తమను తాము నిరూపించుకోవాల్సిన పరిస్థితి ఉందన్నది ఆమె మాట.
|
|