జాతీయ స్థాయి రికార్డ్ సాధించిన మాధవన్ కొడుకు
cinema | Suryaa Desk | Published : Tue, Jul 02, 2019, 08:54 PM
తమిళ హీరో మాధవన్ ప్రస్తుతం ‘రాకెట్రీ’ అనే చిత్రంలో నటిస్తున్నాడు. ఈ సినిమా ట్యాగ్ లైన్ నంబి ఎఫెక్ట్. ఇస్రో మాజీ శాస్త్రవేత్త నంబి నారాయణన్ జీవిత చరిత్ర ఆధారంగా ఈ చిత్రాన్ని రూపొందిస్తున్నారు. అయితే ఈ చిత్రం తెలుగు, తమిళం, హిందీ భాషలలో విడుదల కానుండగా,షారూఖ్, సూర్య ముఖ్య పాత్రలలో కనిపించనున్నట్టు తెలుస్తుంది.
మాధవన్ ప్రస్తుతం తన కొడుకు విషయంలో చాలా గర్వంగా ఫీలవుతున్నాడు. రీసెంట్ గా థాయిలాండ్లో జరిగిన అంతర్జాతీయ స్విమ్మింగ్ పోటీల్లో మాధవన్ కొడుకు వేదాంత్ 1500 మీటర్ల ఫ్రీ స్టైల్ విభాగంలో పాటిస్పేట్ చేశాడు. ఆ పోటీల్లో వేదాంత్ మూడో స్థానంలో నిలిచి..కాంస్యపతకం అందుకున్నాడు. అంతేకాదు జాతీయ స్థాయి పోటీలు జరగగా అందులో వేదాంత్ మూడు బంగారు, ఒక వెండి పతకాన్ని గెలుచుకున్నాడు.
ఈ హాపీనెస్ ని మాధవన్ తన ఇన్స్టాగ్రామ్ ద్వారా తెలియజేస్తూ.. గర్వంగా ఫీలవుతున్నాడు. దేవుని ఆశీర్వాదంతోను, మీ అందరి ఆశిస్సులతోను వేదాంత్ జాతీయ స్థాయి రికార్డ్ సాధించడం నాకు చాలా సంతోషంగా ఉందని తెలిపారు.
|
|