వీళ్ళిద్దరితో వర్క్ చేయడం ఎంతో ఆనందంగా ఉంది

సినిమా ఛాన్సుల కోసం తెగ కష్టపడుతున్న యంగ్ హీరోయిన్ నిధి అగర్వాల్.. రీసెంట్‌గా పవన్ కళ్యాణ్ హీరోగా వచ్చిన హరిహర వీరమల్లు సినిమాలో ఛాన్స్ కొట్టేసింది. ప్రస్తుతం మారుతీ దర్శకత్వంలో ప్రభాస్ హీరోగా రాబోతున్న రాజాసాబ్ సినిమాలో కూడా నటిస్తోంది.ఈ నేపథ్యంలో తాజాగా జరిగిన ఓ ఇంటర్వ్యూలో తన అప్ కమింగ్ ప్రాజెక్టుల గురించి మాట్లాడిన నిధి అగర్వాల్.. పవన్ కళ్యాణ్, ప్రభాస్‌లతో కలిసి పని చేయడంపై క్రేజీగా రియాక్ట్ అయింది. వీళ్ళిద్దరితో వర్క్ చేయడం తనకు ఎంతో ఆనందంగా ఉందని తెలిపింది.హరిహర వీరమల్లులో నా పాత్ర ఇప్పటివరకు చేసిన వాటిలో అత్యుత్తమమైనది. ఆ రోల్ కోసం గుర్రపు స్వారీ, క్లాసికల్‌ డ్యాన్స్‌లో ప్రత్యేకంగా శిక్షణ తీసుకున్నా, అదృష్టవంతురాలిని అనిపించింది. అలాగే, గతంలో హారర్‌ సినిమాలకు భయపడేదాన్ని. అందుకే ‘ది రాజా సాబ్‌’ చేయాలని అనుకున్నా. ఆ సినిమా సెట్స్‌లో అందరూ ఫన్నీగా ఉండేవారు. స్క్రిప్ట్‌ చదువుతూనే నవ్విపోతూ ఉండేవాళ్లం అని నిధి చెప్పింది.సెట్స్‌లో పవన్ కళ్యాణ్ ఉన్నప్పుడు పూర్తి ఏకాగ్రతతో ఉంటారని, యాక్షన్‌ చెప్పగానే పూర్తిగా లీనమైపోతారని చెప్పింది నిధి. షూటింగ్ సమయంలో చుట్టూ ఏం జరుగుతున్నా ఆయన పట్టించుకోరని, ఈ లక్షణాన్ని తాను అలవాటు చేసుకోవాలని అనుకుంటున్నా అని ఆమె చెప్పుకొచ్చింది.ఇక ప్రభాస్‌ అయితే సెట్స్ లో ఎప్పుడూ ఫన్నీగా ఉంటారని చెప్పిన నిధి అగర్వాల్.. ఈ రెండు సినిమాలు ఎప్పుడెప్పుడు ప్రేక్షకుల ముందుకు వస్తాయా అని ఎంతో ఆసక్తిగా ఎదురుచూస్తున్నా అని నిధి అగర్వాల్‌ చెప్పింది.‘‘నేను స్టార్‌ కిడ్‌ని కాదు, సినిమాల నేపథ్యం కూడా నాకు లేదు. నటిగా ఈ స్థాయికి చేరుకోవడమే నాకు చాలా గొప్ప విషయం. ప్రతి ఒక్కరికీ ఎక్కువ సినిమాలు చేయాలనే కోరిక ఉంటుంది. కానీ, నేను మాత్రం నమ్మకం ఉన్న కథలనే ఎంచుకుంటాను. వరుసగా కమర్షియల్‌ సినిమాలు చేయడం నా లక్ష్యం కాదు. ఒకవేళ అలాంటి సినిమాలు చేస్తే, అదే కారణంగా విమర్శలు వస్తాయి. అందుకే, కథాబలం ఉన్న చిత్రాలనే ఎంపిక చేసుకుంటున్నాను,’’ అని నిధి తెలిపింది.మోడలింగ్ ద్వారా కెరీర్ ప్రారంభించి.. ఆ తర్వాత సినిమాల్లో అడుగుపెట్టింది నిధి అగర్వాల్. 2017లో 'మున్నా మైఖేల్' అనే హిందీ సినిమాతో ప్రేక్షకుల ముందుకొచ్చింది. ఆ తర్వాత 'సవ్యసాచి' సినిమాతో టాలీవుడ్ గడప తొక్కింది.ఆ తర్వాత పూరి జగన్నాథ్ దర్శకత్వంలో ఇస్మార్ట్ శంకర్ సినిమా చేసి ఊహించని రేంజ్ లో క్రేజ్ కొట్టేసింది ఈ సోయగాల బుట్ట. అయినప్పటికీ ఆశించిన మేర అవకాశాలు అందుకోని ఈ ముద్దుగుమ్మ.. ఇప్పుడు పవన్, ప్రభాస్ లతో కలిసి నటించే బంపర్ ఛాన్స్ కొట్టేసింది.