తెలుగులో 'ఛావా'ను విడుదల చేస్తున్న గీతా ఆర్ట్స్
cinema | Suryaa Desk | Published : Sat, Mar 01, 2025, 04:29 PM_7815.jpg)
బాలీవుడ్ నటుడు విక్కీ కౌశల్, లక్ష్మణ్ ఉటేకర్ కాంబినేషన్లో వచ్చిన తాజా చిత్రం 'ఛావా'. మరాఠా యోధుడు శంభాజీ మహరాజ్ జీవిత చరిత్ర ఆధారంగా తెరకెక్కిన ఈ మూవీ ఫిబ్రవరి 14న ప్రేక్షకుల ముందుకు వచ్చింది. మొదటి ఆట నుంచే సూపర్ హిట్ టాక్ సొంతం చేసుకున్న ఛావా.. బాక్సాఫీస్ వద్ద కాసులవర్షం కురిపిస్తోంది. మడాక్ ఫిల్మ్స్ పతాకంపై దినేశ్ విజన్ నిర్మించిన ఈ సినిమాలో రష్మిక మందన్న కథానాయికగా నటించారు.కాగా, బాక్సాఫీస్ వద్ద భారీ వసూళ్లతో దూసుకెళుతున్న 'ఛావా'ను టాలీవుడ్ ప్రముఖ నిర్మాణ సంస్థ గీతా ఆర్ట్స్ మార్చి 7న తెలుగులో విడుదల చేయనున్నట్లు ఇటీవల ప్రకటించిన విషయం తెలిసిందే. ఈ క్రమంలో ఇప్పుడు తెలుగు ట్రైలర్ విడుదలపై కీలక ప్రకటన చేసింది. ఈ నెల 3న ఉదయం 10 గంటలకు ఛావా తెలుగు ట్రైలర్ను రిలీజ్ చేస్తున్నట్లు ప్రకటించింది. ఈ మేరకు 'ఎక్స్' వేదికగా బీజీఎంతో కూడిన స్పెషల్ పోస్టర్ను విడుదల చేసింది.
|
|