ట్రెండింగ్
కండలవీరుడు ఎట్టకేలకు ఇంటివాడు కాబోతున్నాడా?
cinema | Suryaa Desk | Published : Sat, Jul 27, 2019, 06:39 PM
బాలీవుడ్ మోస్ట్ ఎలిజిబుల్ బ్యాచిలర్ సల్మాన్ ఖాన్ పెళ్లి వ్యవహారం కొలిక్కి వస్తోందా? తనను పెళ్లి చేసుకోవాలని ఇంతవరకూ ఏ మహిళ కూడా అడగలేదని వాపోతున్న కండలవీరుడు ఎట్టకేలకు ఇంటివాడు కాబోతున్నాడా? అంటే అవుననే అంటోంది బాలీవుడ్ మీడియా. 53 ఏళ్ల సల్లూ భాయ్ రుమేనియా నటగాయని ఇయూలా వంతూర్తో ప్రేమలో పీకల్లోతులో ఉన్నాడని, తాజాగా ఆమెకు వజ్రాల ఉంగరాన్ని ఇచ్చాడని వార్తలు వస్తున్నాయి. 39 ఏళ్ల వంతూర్ బర్త్ డే సందర్భంగా తన తల్లి సల్మా ఖాన్ సూచనతోనే అతడు వంతూర్కు ఈ కానుక ఇచ్చాడని చెబుతున్నారు. తాము డేటింగ్లో ఉన్నామని వస్తున్న వార్తలను అటు సల్మాన్, ఇటు వంతర్ ఖండించని నేపథ్యంలో ఈ ఉంగరం వ్యవహారమైనా పెళ్లితో ముగియాలని సల్లూ అభిమానుల కోరుతున్నారు. కొన్నేళ్ల కిందట బాలీవుడ్ లోకి వచ్చిన వంతూర్ ‘ఓ తేర’లో ఐటమ్ సాంగ్ చేసింది. ప్లేబ్యాక్ సింగర్గా పేరు తెచ్చుకుంటోది.
|
|