చిరంజీవి-రాంచరణ్ కలిసి.. మెగా ఫాన్స్ కి పండుగే
cinema | Suryaa Desk | Published : Wed, Jul 31, 2019, 12:57 PM
మెగా ఫాన్స్ పండుగ చేసుకునే విషయం ఒకటి ఫిలిం నగర్ లో ఇప్పుడు చక్కర్లు కొడుతోంది. కొరటాల శివ దర్శకత్వం వహించే మూవీని ఆగస్ట్ 22 చిరంజీవి పుట్టినరోజు సందర్భంగా మొదలుపెడతారని ఇప్పటికే వార్తలు వినిపిస్తున్నాయి. అయితే మరో సర్ప్రైజ్ న్యూస్ ఏంటంటే ఈ సినిమాలో రామ్ చరణ్ కూడా ఓ క్యామియో లాంటి కీలక పాత్ర ఒకటి చేస్తున్నారట. సినిమా మొత్తం ఉండకపోయినా కీలకమైన సన్నివేశాల్లో ఎంట్రీ ఇస్తూ ప్రేక్షకులతో ఈలలు వేయించే తరహాలో ఆ కాంబో సీన్స్ ని శివ రాసుకున్నట్టు సమాచారం. ప్రాజెక్ట్ అనౌన్స్ మెంట్ ఇంకా జరగలేదు. స్క్రిప్ట్ వర్క్ పూర్తి చేసుకుని ప్రస్తుతం హీరోయిన్ వేటలో ఉన్న కొరటాల శివ అది పూర్తి కాగానే మిగిలిన టీమ్ ఇతర తారాగణాన్ని ప్రకటించే ఛాన్స్ ఉంది. చిరు-చరణ్ లు గతంలో "మగధీర" మొదటి పాట చివర్లో, "బ్రూస్ లీ" ప్రీ క్లైమాక్స్ ఫైట్లో "ఖైదీ నెంబర్ 150"లో సాంగ్ బిట్ లో ఇలా మూడు సార్లు అభిమానులను అలరించారు. అయితే ఈ ఇద్దరి కాంబో నుంచి ఇంతకు మించి ప్రేక్షకులు ఆశిస్తున్నారు. అది చిరు 152 పూర్తిగా నెరవేరుస్తుందని మెగాఫ్యాన్స్ ఆశపడుతున్నారు.
|
|