ట్రెండింగ్
ఆ తరహా పాత్రలను ఒప్పుకోవడం లేదు: రష్మిక
cinema | Suryaa Desk | Published : Wed, Jul 31, 2019, 01:25 PM
'ఛలో' సినిమాతో తెలుగు చలన చిత్ర పరిశ్రమలోకి అడుగుపెట్టిన రష్మిక మందాన, 'గీత గోవిందం' సినిమాతో భారీ విజయాన్ని తన ఖాతాలో వేసుకుంది. తాజాగా ఆమె చేసిన 'డియర్ కామ్రేడ్' కూడా సక్సెస్ ఫుల్ గా రన్ అవుతోంది. దీంతో రష్మిక క్రేజ్ ఒక్కసారిగా పెరిగిపోయింది. ఈ నేపథ్యంలో రష్మిక మాట్లాడుతూ .. "ఒక్కసారిగా నాకు వచ్చిన క్రేజ్ కి ఇంకా ఎక్కువ సినిమాలు ఒప్పుకునే అవకాశాలు ఉన్నాయనే అభిప్రాయాన్ని కొంతమంది వ్యక్తం చేస్తున్నారు. నిజంగానే నాకు వరుస అవకాశాలు వస్తున్నాయి. అయితే వాటిలో హీరో పక్కన డాన్సులకే పరిమితమయ్యే పాత్రలు, అందాలు ఆరబోసే మసాలా పాత్రలే ఎక్కువగా వున్నాయి. నటనకి అవకాశం లేని అలాంటి పాత్రలను చేయడం నాకు ఇష్టం లేదు. అందుకే ఆ తరహా పాత్రలను ఒప్పుకోవడం లేదు" అని రష్మిక అంటున్నారు. తరువాత సినిమాలను ఆమె మహేశ్ .. అల్లు అర్జున్ .. నితిన్ లతో నటించనుంది.
|
|