ఘాటు వ్యాఖ్యలతో హీటు పెంచుతున్న సోనాక్షి
cinema | Suryaa Desk | Published : Thu, Aug 01, 2019, 05:25 PM
ప్రస్తుతం బాలీవుడ్లో లేడీ ఓరియెంటెడ్ సినిమాల ట్రెండ్ నడుస్తోంది. `దబాంగ్`తో బాలీవుడ్ ఎంట్రీ ఇచ్చిన హీరోయిన్ సొనాక్షీ సిన్హా `ఖాందానీ సఫాఖానా` అనే కథానాయిక ప్రాధాన్యమున్న సినిమాలో నటించింది. ఈ సినిమాలో సొనాక్షి సెక్స్ క్లినిక్ని నడిపే మహిళ పాత్రలో కనిపించబోతోంది. ఈ సినిమా ప్రమోషన్ కార్యక్రమాల్లో భాగంగా సొనాక్షి ఘాటు వ్యాఖ్యలు చేస్తోంది.
`కుటుంబ సభ్యుల మధ్య శృంగారం గురించి చర్చే జరగదు. నేను కూడా మా నాన్న గారితో అలాంటి విషయాలు మాట్లాడను. స్నేహితుల నుంచే సెక్స్ గురించి ఎక్కువ తెలుసుకున్నా. భారతదేశంలో పిల్లలంతా ఇలానే చేస్తున్నారు. అలా కాకుండా తల్లిదండ్రులే చొరవ తీసుకుని పిల్లలతో సెక్స్, ఇతరత్రా సమస్యల గురించి మాట్లాడాలి. అప్పుడే వారికి మంచి అవగాహన ఏర్పడుతుంది. ఇతర మార్గాల ద్వారా వచ్చిన విజ్ఞానం వల్ల పిల్లలు చెడిపోతార`ని సొనాక్షి వ్యాఖ్యానించింది.
|
|