రాంచరణ్ కోరమీసం అదుర్స్...
cinema | Suryaa Desk | Published : Fri, Aug 02, 2019, 12:08 PM
ఎస్.ఎస్. రాజమౌళి దర్శకత్వంలో మెగా పవర్స్టార్ రామ్ చరణ్, యంగ్ టైగర్ ఎన్టీఆర్ కాంబినేషన్లో తెరకెక్కిస్తోన్న చిత్రం ‘ఆర్ఆర్ఆర్’. అల్లూరి సీతారామరాజుగా రామ్ చరణ్, కొమరం భీమ్గా యంగ్ టైగర్ ఎన్టీఆర్ నటిస్తున్నారు. ఈ చిత్రంలో చరణ్ సరసన అలియా భట్ హీరోయిన్గా చేస్తోంది. ఎన్టీఆర్ కోసం హాలీవుడ్ హీరోయిన్ను వెతికే పనిలో ఉన్నారు చిత్ర దర్శక,నిర్మాతలు. ఇక ఈ సినిమాకు సంబంధించి మెగా పవర్స్టార్ రామ్ చరణ్ లుక్ ఆ మధ్య ‘ఆర్ఆర్ఆర్’ ప్రెస్ మీట్లో రివీల్ అయ్యింది. తాజాగా మరోసారి రామ్ చరణ్ ఆర్ఆర్ఆర్ లుక్లో కనిపించారు.
రామ్ చరణ్, బోయపాటి కాంబినేషన్లో తెరకెక్కిన ‘వినయ విధేయ రామ’ చిత్రంలో హీరోయిన్గా నటించిన కియారా అద్వానీ పుట్టినరోజు వేడుకలలో పాల్గొన్న రామ్ చరణ్.. కోరమీసంలో దర్శనమిచ్చి ‘ఆర్ఆర్ఆర్’పై మరింత ఆసక్తిని క్రియేట్ చేశారు. రఫ్ లుక్లో చరణ్ని చూసిన ఆయన అభిమానులైతే సోషల్ మీడియాలో పండగ చేసుకుంటున్నారు. రామ్ చరణ్ తాజా లుక్ ఫొటోలు ఇప్పుడు సోషల్ మీడియాలో వైరల్ గా మారాయి.
|
|