ట్రెండింగ్
ముగిసిన నటగురువు దేవదాస్ అంత్యక్రియలు
cinema | Suryaa Desk | Published : Sat, Aug 03, 2019, 01:04 PM
నట గురువు దేవదాస్ కనకాల (75) అంత్యక్రియలు మహా ప్రస్తానంలో పూర్తయ్యాయి. దేవదాస్ భౌతికకాయానికి కుమారుడు రాజీవ్ కనకాల అంత్యక్రియలు నిర్వహించారు. గత కొంతకాలంగా అనారోగ్యంతో బాధపడుతున్న దేవదాస్ హైదరాబాద్లోని ఓ ప్రైవేటు ఆసుపత్రిలో చికిత్స పొందుతూ శుక్రవారం తుదిశ్వాస విడిచారు. శరీరంలోని పలు అవయవాలు పనిచేయకపోవడంతో మరణించినట్టు ఆసుపత్రి వర్గాలు వెల్లడించాయి. దేవదాస్ కనకాల పలు చిత్రాలతో పాటు, బుల్లితెర ధారావాహికల్ని తెరకెక్కించారు. రజనీకాంత్, చిరంజీవి లాంటి ఎంతోమంది నటుల్ని తీర్చిదిద్దారు.
రజనీకాంత్, చిరంజీవితో పాటు రాజేంద్రప్రసాద్, భానుచందర్, శుభలేఖసుధాకర్, రాంకీ, అరుణ్పాండ్యన్, నాజర్, రఘువరన్..ఇలా ఎంతో మందిని ఉత్తమ నటులుగా తీర్చిదిద్దిన గురువు దేవదాస్ కనకాల. యానాం సమీపంలోని కనకాలపేటలో 1945 జూలై 30న దేవదాస్ జన్మించారు.
|
|