'లవ్ జిహాద్' పై ఆమిర్ ఖాన్ ఆసక్తికర వ్యాఖ్యలు
cinema | Suryaa Desk | Published : Mon, Jun 16, 2025, 08:13 PM
బాలీవుడ్ ప్రముఖ నటుడు ఆమిర్ ఖాన్ ఇటీవల ఓ ఛానల్కు ఇచ్చిన ఇంటర్వ్యూలో పలు ఆసక్తికర విషయాలపై తన అభిప్రాయాలను పంచుకున్నారు. ‘పీకే’ సినిమా సమయంలో తలెత్తిన 'లవ్ జిహాద్' ఆరోపణలు, తన దేశభక్తిపై వస్తున్న విమర్శల గురించి ఆయన వివరణ ఇచ్చారు.అన్ని మతాంతర వివాహాలను ‘లవ్ జిహాద్’ కోణంలో చూడటం సరికాదని ఆమిర్ ఖాన్ అన్నారు. "రెండు మతాలకు చెందిన వారు ప్రేమించుకుని, వివాహం చేసుకుంటే అది అన్నిసార్లు లవ్ జిహాద్ కాదు. ఒకరినొకరు ఇష్టపడి మనుషులుగా ఒక్కటయ్యారు. అది మతాలకు అతీతం" అని ఆయన అభిప్రాయపడ్డారు.తన కుటుంబంలో కూడా ఇలాంటి వివాహాలు జరిగాయని గుర్తుచేశారు. "మా అమ్మాయి ఐరా.. నుపుర్ శిఖరే అనే హిందూ అబ్బాయిని పెళ్లి చేసుకుంది. నా సోదరి నిఖత్.. సంతోష్ హెగ్డేను, చిన్న సోదరి ఫర్హాన్.. రాజీవ్ దత్త్ను వివాహం చేసుకున్నారు" అని తెలిపారు. ‘పీకే’ సినిమా ఏ మతానికి వ్యతిరేకం కాదని, మతం పేరుతో అమాయకులను మోసం చేసే వ్యక్తుల గురించి మాత్రమే ఆ చిత్రంలో చూపించామని, అలాంటి వారి విషయంలో జాగ్రత్తగా ఉండాలనేదే తమ ఉద్దేశమని స్పష్టం చేశారు.
|
|