ఫుట్‌బాల్ ఆడిన సీఎం రేవంత్.. ప్రొఫెషనల్ ఆటగాడిగా యూత్‌తో పోటీపడి మరీ..

పార్లమెంట్ ఎన్నికల ప్రచారంలో కాంగ్రెస్ అభ్యర్థుల తరపున సీఎం రేవంత్ రెడ్డి విస్తృతంగా ప్రచారం నిర్వహించిన సంగతి తెలిందే. అన్ని తానే దాదాపు 50కిపై గా సభలు, సమావేశాలు, రోడ్‌షోలు, స్ట్రీట్ కార్నర్ మీటింగుల్లో రేవంత్ పాల్గొన్నారు. ఎన్నికల షెడ్యూల్ విడుదైల నాటి నుంచి అలుపనేది లేకుండా రాష్ట్రవ్యాప్తంగా విస్తృతంగా పర్యటించారు. స్టార్ క్యాంపెయినర్‌గా కర్ణాటక, కేరళ రాష్ట్రాల్లోనూ ఆయన ఎన్నికల ప్రచారం నిర్వహించారు. ఇక తెలంగాణలో రేపు పోలింగ్ జరగనుండగా.. శనివారంతో ప్రచారం ముగిసింది.

 మరికొన్ని గంటల్లో పోలింగ్ జరగనుండగా.. అభ్యర్థులు, పార్టీ అధినేతల్లో టెన్షన్ నెలకొంది. ఈ నేపథ్యంలో సీఎం రేవంత్ రెడ్డి మాత్రం కూల్‌గా ఫుట్‌బాల్ ఆడారు. నిత్యం పర్యటనలు, మీటింగ్‌‌లతో క్షణం కూడా తీరిక లేకుండా గడిపే సీఎం సరదాగా ఫుట్‌బాల్ ఆడుతూ ఎంజాయ్ చేశారు. ఇవాళ హైదరాబాద్ సెంట్రల్ యూవర్సిటీకి వెళ్లిన రేవంత్ అక్కడి విద్యార్థులతో కలిసి సరదాగా ఫుట్‌‌బాల్ ఆడారు. ప్రొఫెషనల్ క్రీడాకారుడికి మాదిరిగా.. స్టూడెంట్స్‌తో కలిసి గోల్‌ వేసేందుకు మైదానంలో పరుగులు తీశారు. ఆట మధ్యలో సీఎం షూ పాడవడంతో పక్కకు వెళ్లిపోకుండా.. షూస్ లేకుండానే ఫుట్‌‌బాల్ ఆడారు.

రేవంత్ రెడ్డితో పాటు ఎమ్మెల్సీ బల్మూర్ వెంకట్, రాజ్యసభ ఎంపీ అనిల్ కుమార్ యాదవ్, టీఎమ్‌ఆర్‌ఐఈఎస్ ప్రెసిడెంట్ ఫహీం ఖురేషి తదితరులు విద్యార్థులతో కలిసి ఫుల్‌బాల్‌ ఆడారు. ఈ ఫుట్‌బాల్ మ్యాచ్‌కు సీఎం సలహాదారుడు వేంనరేందర్ రెడ్డి, ప్రభుత్వ సలహాదారుడు హర్కర్ వేణుగోపాల్, టీ శాట్ సీఈఓ వేణుగోపాల్ రెడ్డి, ఫుడ్ కార్పొరేషన్ చైర్మన్ ఏం ఏ ఫహీం ఇతరులు హాజరయ్యారు. ముఖ్యమంత్రి ఫుట్‌బాల్‌ ఆడిన వీడియో ప్రస్తుతం సోషల్ మీడియాలో వైరల్ అయింది. అయితే ఆయన గతంలోనూ ఓసారి విద్యార్థులతో కలిసి ఫుట్‌బాల్ ఆడారు.