రంగారెడ్డి జిల్లాలో 8 ఏళ్ల చిన్నారిపై 50 ఏళ్ల కామాంధుడి అఘాయిత్యం

రంగారెడ్డి జిల్లా ఇబ్రహీంపట్నంలో అమానవీయ ఘటన చోటు చేసుకుంది. 8 ఏళ్ల చిన్నారిపై 50 ఏళ్ల కామాంధుడు అత్యాచారానికి యత్నించాడు. ఇబ్రహీంపట్నం పోలీస్ స్టేషన్ పరిధిలోని పెత్తుల్లా గ్రామంలో.. బోడ నరసింహ (50) అనే వ్యక్తి, 8 ఏళ్ల చిన్నారికి చాక్లెట్ ఆశ చూపి లైంగిక దాడికి పాల్పడ్డాడు. చిన్నారి కేకలు వేయటంతో.. స్థానికులు వస్తారన్న భయంతో నరసింహ అక్కడి నుంచి పారిపోయాడు. విషయం తెలుసుకున్న తల్లిదండ్రులు.. వెంటనే పోలీసులను ఆశ్రయించారు. తల్లిదండ్రుల నుంచి ఫిర్యాదు అందుకున్న పోలీసులు.. నిందితుడిని అదుపులోకి తీసుకుని.. పోక్సో చట్టం కింద కేసు నమోదు చేశారు. చిన్నారిని వైద్య పరీక్షల కోసం ఆసుపత్రికి తరలించారు. కాగా.. నిందితున్ని కఠినంగా శిక్షించాలంటూ గ్రామస్థులు డిమాండ్ చేస్తున్నారు.ఇదిలా ఉంటే.. వారం రోజుల క్రితం ఇలాంటి ఘటనే పెద్దపెల్లి జిల్లాలో జరిగింది. కాల్వ శ్రీరాంపూర్ మండల కేంద్రంలో కూనారం గ్రామంలో 8 ఏళ్ల బాలికపై 75 ఏళ్ల వృద్ధుడు అత్యాచారానికి యత్నించాడు. అయితే.. ఈ ఘటన ఆలస్యంగా వెలుగులోకి రావటంతో.. కామాంధుడైన వృద్ధుడిని పోలీసులు అరెస్ట్ చేశారు. వైద్య పరీక్షల నిమిత్తం బాలికను పెద్దపెల్లి ఆసుపత్రికి తరలించారు.

సమాజంలో మనుషులు రోజు రోజుకు విచక్షణ కోల్పోయి.. మృగాళ్లా ప్రవర్తిస్తున్నారు. వావివరసలు మర్చిపోయి.. వయసుతో సంబంధం లేకుండా.. ఎగబడిపోతున్నారు. ప్రభుత్వాలు ఎన్ని చట్టాలు తీసుకొచ్చిన.. పోలీసులు ఎన్ని కఠిన చర్యలు తీసుకుంటున్నా.. కామంధులను మాత్రం కట్టడి చేయలేకపోతున్నారు. ఎవరిని నమ్మాలో ఎవరిని నమ్మాలో అర్థం కాకుండా పరిస్థితులు మారిపోతున్నాయి. మనిషి ముసుగులో ఉన్న మృగాలు సమాజంలో తిరుగుతుండగా.. చిన్నారుల నుంచి పెద్దవారి వరకు మహిళలను ఎలా రక్షించుకోవాలన్నది తెలియని దుస్థితి ఏర్పడింది.

చదువుకోని వాళ్లే ఇలా చేస్తున్నారని కాదు.. చదువుకున్న వాళ్లు కూడా ఇలాగే ఉన్నారు. అందుకు నిదర్శనమే.. హీరో సాయిధరమ్ తేజ్ లేవనెత్తిన సమస్య. సామాజిక మాధ్యమాల్లో ఫన్ పేరుతో.. కొంతమంది తండ్రి కూతుళ్ల మధ్య అసభ్యకరమైన, జుగుప్స కలిగించే కామెంట్లు చేస్తూ జోకులు వేయటమనేది.. వాళ్ల ఆలోచనలు ఎంతగా కుళ్లిపోయాయన్నది అర్థం చేసుకోవచ్చు. ఏం చేస్తే.. ఇలాంటి కామాంధుల ఆలోచనలను కడిగేయగలమన్నది ఇప్పుడు సమాజంలో సమాధానం లేని ప్రశ్నగా మారిపోయింది.