హైదరాబాద్‌లో సన్నీలియోన్.. షాక్ ఇచ్చిన పోలీసులు.. ఆశగా ఎదురుచూసిన ఫ్యాన్స్‌కు నిరాశ..!

ప్రముఖ నటి సన్నీ లియోన్‌కు హైదరాబాద్‌ పోలీసులు షాక్ ఇచ్చారు. శనివారం (నవంబర్ 30న) రాత్రి జూబ్లీహిల్స్‌‌లోని ఓ పబ్‌లో సన్నీలియోన్.. లైవ్ పర్ఫార్మెన్స్ ఇవ్వాల్సి ఉండగా.. ఆశగా ఎదురుచూసిన యువకులకు నిరాశ ఎదురైంది. జూబ్లీహిల్స్‌లోని ఇల్యూజన్ పబ్ యజమానులు సన్నీ లియోన్‌తో వీకెండ్ లైవ్ పర్ఫార్మెన్స్ ఏర్పాటు చేశారు. శనివారం రాత్రి 11 గంటల నుంచి 12:30 గంటల వరకూ సన్నీలియోన్ పర్ఫామెన్స్ ఏర్పాటు చేశారు. ఈ ప్రదర్శన కోసం పజ్ యాజమాన్యం టికెట్లు పెట్టగా.. ఆమెను లైవ్‌లో చూసేందుకు యువకులు ఎగబడ్డారు. భారీ రేట్లు పెట్టినా.. ఎగబడిమరీ.. టికెట్లు కొనుగోలు చేశారు.

ముందుగా అనుకున్నట్టుగానే.. తన ప్రదర్శన కోసం సన్నీ లియోన్ కూడా శనివారం రాత్రి హైదరాబాద్ నగరానికి చేరుకున్నారు. సన్నీలియోన్ లైవ్ పర్ఫామెన్స్ వార్తలు విన్న జూబ్లీహిల్స్ పోలీసులు రంగంలోకి దిగారు. సన్నీ లియోన్ లైవ్ పర్ఫామెన్స్‌ ఇచ్చేందుకు పబ్‌కు అనుమతి లేదంటూ పోలీసులు తేల్చి చెప్పారు. ఓ వైపు పెద్ద ఎత్తున టికెట్లు అమ్ముడుపోవటం.. తమ అభిమాన తార వస్తుందని తెలియటంతో టికెట్లు కొన్నవారితో పాటు మిగతా యువకులు కూడా పబ్ వద్దకు భారీగా చేరుకున్నారు. దీంతో.. పబ్ దగ్గర గందరగోళ పరిస్థితులు నెలకొన్నాయి. ముందుగా అనుకున్నట్టు సన్నీలియోన్ ప్రదర్శన లేకపోతే కస్టమర్ల నుంచి తీవ్ర ఆందోళన వ్యక్తమవుతుందని భావించిన పబ్.. అనుమని కోసం విశ్వప్రయత్నాలు చేశారు. ఉన్నతాధికారులను కూడా కలిసి.. పరిష్మన్ కోసం ప్రయత్నించారు. అయితే.. వాళ్లు చేసిన ప్రయత్నాలన్ని విఫలమయ్యాయి.

ఇదిలా ఉంటే.. పబ్ దగ్గరికి యువకులు పెద్ద ఎత్తున రావడంతో ఎలాంటి ఆందోళన పరిస్థితులు ఏర్పాడకుండా పోలీసులు భారీ బందోబస్తు ఏర్పాటు చేశారు. అనుమతి లేకపోయినా సన్నీలియోన్‌ను తీసుకువస్తారేమోనన్న అనుమానంతో పోలీసులు పబ్ దగ్గర ఒంటి గంట వరకూ పహారా కాశారు. దీంతో పబ్ పరిసరాల్లో తీవ్ర ఉద్రిక్త వాతావరణం ఏర్పడింది.

మరోవైపు ఈవెంట్ కోసం సన్నీ లియోన్.. తాను బస చేసిన హోటల్‍లోనే ఎదురు చూస్తూ ఉండిపోయింది. అటు ఆమె కోసం పబ్ దగ్గర యువకులు కూడా సన్నీ లియోన్‌ను దూరం నుంచయినా ఎప్పుడెప్పుడు కళ్లారా చూద్దామా అని ఎదురుచూస్తు ఉండిపోయారు. కానీ.. మధ్యలో పోలీసులు భారీగా మోహరించటంతో.. ఈవెంట్ జరిగే వాతావరణం కనిపించలేదు. దీంతో.. సన్నీ లియోన్ లైవ్ పర్ఫామెన్స్‌ను పబ్ యాజమాన్యం.. క్యాన్సిల్ చేసింది.

దీంతో.. ఎంతో సన్నీలియోన్‌ను ఒక్కసారైనా కళ్లారా చూసుకుందమని ఎదురుచూసిన యువకుల ఆశలపై నీళ్లు చల్లినట్టయింది. వేల రూపాయలు వెచ్చించి టికెట్లు కొన్న యువకులు చాలా డిసప్పాయింట్ అయ్యారు. సన్నీలియోన్ లైవ్ పర్ఫార్మెన్స్ చూద్దామని వెయ్యి కళ్లతో ఎదురుచూస్తున్న వారి ఆశలు కాస్త అడియాశలవటంతో.. పబ్ యాజమాన్యంపై యువకులు తీవ్ర ఆగ్రహం వ్యక్తం చేశారు.