ఆయన హీరో కావచ్చు కానీ.. అల్లు అర్జున్‌పై డీజీపీ కీలక వ్యాఖ్యలు
Telangana Telugu | Suryaa Desk | Published : Sun, Dec 22, 2024, 06:22 PM
సంధ్య థియేటర్ తొక్కిసలాట ఘటనలో నటుడు అల్లు అర్జున్ అరెస్ట్‌ దేశవ్యాప్తంగా సంచలన రేపిన విషయం తెలిసిందే. ఈ ఘటనపై తెలంగాణ సీఎం రేవంత్ రెడ్డి.. అసెంబ్లీలో మాట్లాడటం... దీనిపై అల్లు అర్జున్ స్పందిండం తెలిసిందే. ఈ క్రమంలో డీజీపీ జితేందర్ రెడ్డి మాట్లాడుతూ.. పౌరులుగా అందరూ బాధ్యతాయుతంగా ఉండాలని అన్నారు. వ్యక్తిగతంగా తాము ఎవరికీ వ్యతిరేకం కాదన్నారు. సంథ్య థియేటర్ ఘటన దురదృష్టకరమని, అల్లు అర్జున్‌కు మేం వ్యతిరేకం కాదని అన్నారు. చట్ట ప్రకారం ఆయనపై చర్యలు తీసుకున్నామని, పౌరుల భద్రత, రక్షణ అన్నింటి కంటే ముఖ్యమని స్పష్టం చేశారు.. ఆయన సినిమా హీరో కావొచ్చు... క్షేత్రస్థాయి పరిస్థితులను అర్థం చేసుకోవాలని చెప్పారు. ఇలాంటి ఘటనలు పౌరుల భద్రతకు మంచిది కాదని, ప్రజల భద్రత కంటే సినిమా ప్రమోషన్‌ ముఖ్యమైన అంశం కాదని తెల్చిచెప్పారు.. జర్నలిస్టుపై దాడి కేసులో సినీనటుడు మోహన్‌బాబుపై కేసు నమోదు చేశామని,. చట్ట ప్రకారం ఆయనపై చర్యలు ఉంటాయని చెప్పారు.
|
|