రోడ్డు భద్రతా నియమాలు పాటించాలి

రోడ్డు ప్రమాదాల నివారణకు ప్రజలందరూ తప్పనిసరిగా రోడ్డు భద్రత నియమాలు పాటించాలని తొగుట సిఐ షేక్ లతీఫ్ అన్నారు. గురువారం రాత్రి దౌల్తాబాద్ మండలం మల్లేశం పల్లి గ్రామంలో పోలీస్ కనువిప్పు ద్వారా ప్రజలకు మూఢనమ్మకాలు, చట్టాలు, సైబర్ నేరాలు, బాల్య వివాహాలు, మద్యపానం, డ్రగ్స్ గంజాయి ఇతర మత్తు పదార్థాలపై అవగాహన కల్పించారు. ఈ సందర్భంగా ఆయన మాట్లాడుతూ స్కూల్, కాలేజీకి వెళ్లే యువకులపై తల్లిదండ్రులు తరచుగా పిల్లల ప్రవర్తన గమనిస్తూ ఉండాలన్నారు.రోడ్డు ప్రమాదాల నివారణకు ప్రతి ఒక్కరూ రోడ్డు నిబంధనలు ట్రాఫిక్ నిబంధనలు పాటించి వాహనాలు నడిపి క్షేమంగా గమ్యస్థానాలకు చేరుకోవాలి. మోటార్ సైకిల్ వాహనదారులు తప్పకుండా హెల్మెట్ ధరించాలని, నాలుగు చక్రాల వాహనదారులు సీట్ బెల్ట్ పెట్టుకుని వాహనాన్ని డ్రైవ్ చేయాలని, చాలా రోడ్డు ప్రమాదాలు మానవ తప్పిదం వల్లే జరుగుతున్నాయని అన్నారు.
ఒక రోడ్డు ప్రమాదం ఒక కుటుంబాన్ని ఆర్థికంగా మానసికంగా కృంగదీస్తుందని, రోడ్డు నిబంధనలు ట్రాఫిక్ నిబంధనలు పాటించడం చాలా ముఖ్యమన్నారు.అవసరం మేరకే సెల్ ఫోన్ వాడాలని, గూగుల్ పే, ఫోన్ పే చేసేటప్పుడు జాగ్రత్త తీసుకోవాలన్నారు.సైబర్ నేరాల పట్ల ప్రజలు అప్రమత్తంగా ఉండాలని మానవ తప్పిదం వల్లే సైబర్ నేరాలు ఎక్కువగా జరుగుతున్నాయని, ఏదైనా సైబర్ నేరం జరిగితే వెంటనే 1930 కాల్ చేసి ఫిర్యాదు చేయాలని తెలిపారు.గంజాయి ఇతర మత్తు పదార్థాలపై  ప్రజలు అప్రమత్తంగా ఉండాలని ఇంట్లో ఉన్న యువకులు, పిల్లలపై  ఒక కన్నేసి ఉంచాలని, ఎక్కడికి వెళ్తున్నారు ఏం చేస్తున్నారు ఎలాంటి స్నేహితులతో తిరుగుతున్నార అని గమనిస్తూ ఉండాలన్నారు.మూఢనమ్మకాలు,రోడ్డు ప్రమాదాలు, గంజాయి ఇతర మత్తు పదార్థాల వల్ల కలిగే అనర్ధాలు, మంత్రాలు తంత్రాలు మూఢనమ్మకాలు  సామాజిక రుక్మతల గురించి  సిద్దిపేట పోలీస్ కళాబృందం చేత అవగాహన కల్పించడం జరిగిందన్నారు. ఈ కార్యక్రమంలో దౌలబాద్ ఎస్సై శ్రీరామ్ ప్రేమ్ దీప్, పోలీస్ కళాకారులు బాలు, రాజు, తిరుమల, తెలంగాణ సాంస్కృతిక సారథి బృందం సభ్యులు రవి, రవీందర్, ఎల్లయ్య, తిరుమలయ్య, బాబాయి, క్రాంతి కుమార్,  పోలీస్ స్టేషన్ సిబ్బంది తదితరులు పాల్గొన్నారు.