క్రీడా స్ఫూర్తిని ప్రదర్శించాలి: మాజీ మేయర్, ఎమ్మెల్సీ అభ్యర్థి సర్దార్ రవీందర్ సింగ్..
Telangana Telugu | Suryaa Desk | Published : Mon, Feb 17, 2025, 08:36 PM
ఆటల్లో గెలుపోటములు సహజమనీ, గెలిచినప్పుడు పొంగిపోకుండా.. ఓడినప్పుడు బాధపడకుండా ప్రతి ఒక్కరు క్రీడా స్ఫూర్తిని ప్రదర్శించాలని కరీంనగర్ మాజీ మేయర్, ఎమ్మెల్సీ అభ్యర్థి సర్దార్ రవీందర్ సింగ్ పిలుపునిచ్చారు. తిమ్మాపూర్ మండలంలోని మన్నెంపల్లి గ్రామ మాజీ ఉప సర్పంచ్ పొన్నం అనిల్ గౌడ్ తన తండ్రి జ్ఞాపకార్థం నిర్వహిస్తున్న క్రికెట్ టోర్నీ ఫైనల్ మ్యాచ్ ఆదివారం జరగ్గా ఆయన ముఖ్యఅతిథిగా హాజరయ్యారు. ఆటలతో శారీరక దారుఢ్యం మెరుగుపరడమే కాకుండా మానసికోల్లాసం కలుగుతుందన్నారు.
క్రీడల్లో పాల్గొనే ప్రతి ఒక్కరూ క్రీడా స్ఫూర్తిని ప్రదర్శిస్తూ, అందరితో స్నేహపూర్వకంగా మెదులుకోవాలని సూచించారు. అనంతరం ఫైనల్ మ్యాచ్ లో తలపడి విజేతగా నిలిచిన అన్నారం జట్టుకు ట్రోఫీతో పాటు 20వేల నగదు బహుమతి, రన్నర్ గా నిలిచిన మన్నెంపెల్లి జట్టుకు 10వేలతో పాటు ట్రోఫీని అందజేశారు. టోర్నీకి సహకరించిన నిర్వాహకులు, గ్రామస్తులు, ఆయా గ్రామాల నుంచి వచ్చిన టీం సభ్యులకు పొన్నం అనిల్ కృతజ్ఞతలు తెలిపారు. ఈ కార్యక్రమంలో మున్ననూరు గోవింద రావు, గుంజపడుగు హరిప్రసాద్, భరత్ కుమార్ శర్మ, నార్ల అశోక్, గుర్రం జగదీష్, కొలిపాక కిరణ్, గుంటి వెంకటేష్, కామెర సంపత్, సుధగోని శ్రావణ్, పార్నంది సంపత్, సుధగోని సదయ్య, దరిపల్లి వేణుకుమార్, ఆర్గనైజర్లు గుంటి రాజు, బోయిని శ్రీకాంత్, పైడిపాల సంజయ్, ఆశోద సాగర్, కొలిపాక చింటు, బీనపల్లి అజయ్, అక్కపల్లి అనిల్, శ్యామ్ సుందర్, ఆంజనేయులు పాల్గొన్నారు.
|
|